شلم جون د سایل په

بېا مازیګر شو د نظر د سوزېدو یره ده

په هغه پورې بام د اور د لګېدو یره ده

زما د ژوبل ژوبل  زړه درزېده هسې نه دي

بېا مې په خوا کښې د قاتل جانان د تلو یره ده

وخانده لږ ددې سکڼي، سکڼي ماښام په خاطر

ښکلېه !  پام چې د ښېرو د لګېدو یره ده

سایل هم نن غواړي اقرار او دانکار فیصله

ځما د لوې صبر دجام د تویدو یره ده

(رحمت شاه سایل)

پدې غزل کښې یو بند کم دی.

.......................

د پښتو ژبې نوموتی، منلی، قامي ،  انقلابي  شاعر او لیکوال  ښاغلي #رحمت_شاه_سائل د امين گل زوی، 1958ع کال د پېښور د ملاکنډ ايجنسۍ د درګۍ  د ورتير په نوم کلي کې زېږېدلی دی .  تر څلورم ټولگي یې ښوونځی لوستی دی. د ورځپاڼو له لوستلو سره یې مينه لرله او مقالې به یې هم ورته ليکلې.

رحمت شاه سايل له ماشومتوب نه په شعروييلو پيل کړی. هغه خپل لومړنى شعر په 13 کلنۍ کې ووايه او بيا يې شل کاله وروسته خپل لومړنى کتاب چاپ کړ. د نوموړي گڼشمېر شعرونه د ډېرو سندرغاړو لخوا د موسېقۍ په ګاڼه سمبال شويدی .

د رحمت شاه سايل چاپ شوي کتابونه :

د وير په چم کې وار د نغمو دی - شعري ټولگه

د لمبو په سيوري - شعري ټولگه

د ښايستونو د سپرلي بادونه - شعري ټولگه

درد چې د څړيکو څانگې وسپړلې - شعري ټولگه

د وينو رنگ په لمبو څنگه ښکاري؟ - شعري ټولگه

تا له تصوير په گلاب جوړ کړم که نه - شعري ټولگه

د چينارونو نه لمبې ووتې - شعري ټولگه

حالات چې اور اوروي - شعري ټولگه

ته به په خپل تصوير کې څوک ځايوي - شعري ټولگه

زه د خزان د پاڼې پاڼې سره ورژېدم - شعري ټولگه

آخري سندره - افسانېحالات چې اور اوروي - شعري ټولگه ريبار ـ د شعرونو لومړۍ ټولگه.

سره بڅري ـ د انقلابي نظمونو او شعرونو ټولگه.

د ثقافت تاريخي بنيادونه ـ نثر

ټپه که ستاينه - نثر

هر تصوير زما تصوير - مقالې

خبرلوڅ تصويرونه - مقالې

په في الميزان کې د هېواد معنوي اړخونه - نثر

او ...........

Rehmat Shah Sail

بېرته شاته