افغانستان: رښتیا پلټنه کتاب چاپ شو
[18.Apr.2010 - 19:54]
بېرته شاته
(که سپوره وي که پوره وي نو په شریکه به وي (باچاخان)
د خپرونکي څو خبرې )افغانستان: رښتیا پلټنه( کتاب د افغانانو د رښتیني دوست امریکایی ژورنالست او لیکوال د سرو هغه ګاڼه ده چې د هرې ورځې په تېریدو یې ارزښت او بیه ډیریږي. بروس ریچادرسن د افغاني پوهانو او لویدیځې نړۍ یوه پیژندل شوې څیره ده. بروس ماته ګران دی او زه ورته د زړه له کومي په ډیره درنه سترګه ګورم او هغه ځکه چې ده په خپلو لیکنو او څیړنو کې د بیوزلو او د زورورو پر وړاندې د مظلومو خوا نېولې ده. ښاغلی بروس د افغانستان د روسي اشغاله تر دې دمه د افغانانو په پلوۍ د رښتیاو پر بنا لیکنې کوي. دئ د ټولو افغانانو او په ځانګړي توګه د پښتنو پر مظلومیت اوښکي تویوي د هغه اوښکې د قلم هغه لوړبیي ملغلري دي چې د تاریخ په اوږدو کې به یې افغانان هیڅکله هیرې نکړي او نسلونه نسلونه بر ترینه د خپل تاریخ د پټو پاڼو په موندلو کې ګټه پورته کړي. بروس د نور و لویدیځوالو لیکوالو او خبریالانو په څیر نه دی هغه د افغانستان ګټې خپلې ګټې ګڼي او همدا لامل دي چې څومره ښایي ده ته د لویدیځ په مطبوعاتي بازار کې لار نه ده ورکړل شوې دا ځکه چې دا په افغانستان او افغانانو مین دی. بروس ډیرې بدرنګې، تورې او پټې څیرې بربنډې کړي دي هغه په خپلو لیکنو کې کاغذی زمریان د اصلي زمریانو سره پرتله کړي او ملي خاینین یې د ملی اتلانو سره تول کړی او د خپل تول کوچ یې د دې کتاب په بڼه زموږ او ستاسو مخ ته ایښي دي. ښاغلی بروس د ډیرو کلونو راپدیخوا دعوت خپرونې ته لیکنې کوي او د ده هر لیکنه یې د کاڼې کرښه وي، او په اصطلاح تل د نښې منځ ولي. دا د ښاغلی بروس ریچادرسن د دوهم کتاب پښتو ژباړه ده چې ښاغلی رحمت اریا د خپل زیار او زحمت میوه د کتاب د پښتو بڼې په شکل زموږ مخې ته ایښي ده. د ښاغلی بروس ریچاډسن له پاره د اوږد عمر او د روغ صحت دعا کوم او افغانان یې پوروړي بولم. همدا راز د ګران رحمت اریا د نورو ژباړنو په طمعه د ښې روغتیا او خوشاله ژوند په هیله. د دعوت ادارې په خپلو محدودو مالي امکاناتو د ښاغلی بروس ریچاردسن دوه کتابونه په انګلیسي ژبه لامخکې خپاره کړی او اوس ویاړي چې د دوی د دوهم کتاب پښتو ژباړه چې د ارزښت له پلوه بې جوړې ده خپلو هېوادوالو ته په خوږه پښتو وړاندې کوي . په ټوله مینه او درنښت محمد طارق بزګر د دعوت د خپلواکو رسنیو د مرکز مشر مینه وال کولای شي دا کتاب دعوت د خپلواکو رسنیو د مرکز نه لاس ته راوړای شي. د کتاب بیه ۲۰۰ او د کتاب پوستي لګښت ۱۷۰ ناوریژي کرونه کیږي. کتاب څه کم یو کیلو وزن لري که په ناروې کې څوک ولرۍ هغوۍ کولي شي د ۲۰۰ کرونو په بدل کې کتاب تر لاسه او تاسو ته درولیږي او که نه د کتاب د بیې او پوستې لګښت د رالیږلو په صورت کې د دعوت د خپلواکو رسنیو مرکز تاسو ته د کتاب د درلیږلو مسئولیت لري. د کتاب بیه ۲۰۰ کرون )۳۳ ډالر( پوستي لګښت: ۱۸۵ کرون )۳۰ ډالر( پیسې د راجستر پوستې د لارې د دعوت د ادارې په پته رالیږلی شۍ. د لیکوال کتابونه په انګلیسي ژبه چې د دعوت د خپلواکو رسنیو د مرکز له لورې پخوا خپاره شوي دي هم د قیمت په بدل کې لاس ته راوړای شۍ. 1. AFGHANISTAN Ending the Reign of Soviet Terror by: Bruce G. Richardson 2. Afghanistan A Search for Truth By: Bruce G. Richardson د دعوت د بریښنالیک پته: [email protected] www.dawatfreemedia.org Tel. Office: + 47-63844384 Mobile: + 47- 90859195 د دعوت د خپلواکو رسنیو د مرکز پته: Voldgt. 37A 2000 Lilliestrøm, Norway د دعوت د خپلواکو رسنیو مرکز ناروې یادونه: کتابونه هیچا ته وړیا نه لیږل کیږي- Dawat Free Media Center---M.T Bazgar---
بېرته شاته
بېرته شاته