یو قوماندان دپولیسو نه دخپل سرپیسې غواړي
[18.Apr.2012 - 22:10]سرچینه : واشنګټن پوسټ، ژباړه : منورشا: د واشنګټن پوسټ ورځپاڼې په یو رپورټ کې راغلي، په افغانستان کې ځينې وخت دوسله والو طالبانو د مشرانو د نیولو لپاره ډېر وسایل او مشکل عملیات پکار وي، خو تېره هفته دافغانستان په ختیځ کې ددې هدف د ترلاسه کولو لپاره دیو څيز اړتیا هم ونه شوه.
پکتیا ولایت کې د محمد اسحان په نامه د طالبانو د منځنۍ درجې یو قوماندان پخپله د پولیسو یوې پوستې ته سره دهغه پوسټر ه ورغې چې دده تصویر پرې لګیدلی و، او په معلوماتو ورکولو یې د سل ډالرو انعام ایښودل شوې وو. نوموړي د پولیسو نه د خپل سر ددغوپیسو دانعام غوښتنه وکړه.
ورځپاڼه لیکي افغان چارواکي د محمد اسحان په دې ګام سخت حېرانه شول او هغه یې په موقع یې ونیولو.
نوموړي باندې په افغان ځواکونو د دوو بریدونو د منصوبې جوړولو شک کیږي، او دهمدغو جرمونو له وجې په سیمه کې د اسحان په سوونو پوسټرې لګول شوې وې چې پکې د هغه نوم او تصویر ورکړی شوی و، اوهغه په دې توګه مطلوب وګړی ګرځول شوی و.
په رپورټ کې راغلي، دامریکايي چارواکو په دې یقین نه کیده چې یو تن دې د خپل سرد انعام اخیستلو لپاره پخپله پولیسو ته ورشي.
یو امریکايي پوځي چارواکی( مېتیو بېکر) وايي دوی د اسحان نه تپوس اوکړو چې ته په رشتیا هم دغه مطلوب سړی یې؟ نو هغه ورته ښه په جوش سره وویل:
(( هو هم دغه زه یم، اوس ماله دغه سل ډالره انعام راکوئ، که نه ؟ او وروسته چې چارواکو دهغه نه ګوتې ولګولې او معاینه یې وکړه نو معلومه شوه چې دا سړی رښتیا هم محمد اسحان دی.
چارواکي زیاتوي ، ښکاري داسې چې دا تن په امریکايي اصطلاح کې دوسله والو یوازې شوی داړه مار کقوماندان په شان دی.
ورځپاڼه لیکي چې افغانستان کې نېټو ځواکونه اکثره وخت د مطلوبو کسانو دلټې لپاره دا ډول پوسټرې لګوي، خو دومره نیغ په نیغه نتیجه یې ډېره کمه مخې ته راځي، ځکه چې د نارامه پکتیا ولایت په ډول سیمو کې خلک دیاغیانو نه ویریږي او دهغوی په اړه د معلوماتو دورکولو ته غاړه نه ږدي.
بل پلو وسله وال قوماندانان هم ښارونو ته ډېر کم مخه کوي،ځکه چې هلته ورپسې تود لټون روان وي.
درپورټ په اخري برخه کې راغلي، چارواکي د محمد اسحان د نیولو ددې حیرانونکي تفصیل په اړه دا نظر لري چې یاغيان مایوسه شوي دي، د وسایلو د کمي سره مخامخ خو دا خبره یوازې د اسحان د نیولو دپیښې په بنیاد کیږي
بلخوا د AFP او ډیلی بیسټ د سرچیني له مخی چی ښاغلی نجیب عامر ژباړلي دی
د فرانسې خبري اژانس په یو راپور کې لیکي چې دپاکستان استخباراتي ادارې درې میاشتې وړاندې د پښتونخوا حکومت ته پټ معلومات ورکړي وو چې د بنو په زندان برید کیدای شي.
اژانس لیکي د دوه زره دولسم کال د جنورۍ په پنځمه نیټه چې د استخباراتي ادارې له خوا د پښتونخوا حکومت ته د ویښ بیدار وسیدو په اړه کوم لیک لیږل شوی و ، د هغې یوه کاپي دوی هم ترلاسه کړې ده.
په دغه لیک کې لیکل شوي وو چې اورپکي د بنو په زندان ، په کوهاټ کې د هوايي ځواکونو په مرکز او د کوهاټ په پوځي چاوڼۍ او د پولیسو په مرکز برید کولی شي.
دپاکستان د استخباراتي ادارې یو مامور د نوم د پټ ساتلو په شرط د فرانسې خبري اژانس ته ویلي د بنو په زندان کې د څلورو سوو بندیانو په منځ کې یوازینی لوی مجرم عدنان رشید و چې پر پخواني پوځي ولس مشر پرویز مشرف پر برید کولو تورن دی. دغه کس زیاتوي، کله چې د بنو زندان اورپکو مات کړو نو هغوی د عدنان رشید نومپه لوړاوازاخیستوچې ټولو اوریدو.
داستخباراتو یو بل مامور هم په هم دې شرط چې نوم به یې چاته نه ښودل کیږي AFP ته ویلي په بنو زندان د داسې برید د ترسره کیدو ټیلي فوني مکالمه هم دوی ترلاسه کړې وه، خو دا نه وه معلومه چې برید به کله ترسره کیږي.
بل پلو ډیلي بیسټ هم دې موضوع ته په کتنې کولو سره لیکي چې تحریک طالبان پاکستان په هغه شپه د یو منظم پلان د لاندې د عدنان رشید او د نورو قیدیانو د خلاصولو په موخه دا برید ترسره کړی و.
په دې برید کې په درنو او سپکو وسلو سنبال د سلو نه زیاتو طالب وسله والو برخه اخیستې وه. د عطا الله په نوم یو وسله وال ډیلي بیسټ ته ویلي، په هغه شپه ورته خپل قوماندان زنګ وواهه او ورته یې وویل چې د یو جنګ لپاره دې تیاری ونیسي.
کله چې عطاالله د خپل قوماندان نه پوښتنه کوي چې ددوی هدف کوم ځای دی نو ورته ویل کیږي (( مونږ یو واده ته روان یو ، او ناوې کور ته راولو. ))
عطالله د خپلو لسګونو نورو ملګرو سره په څلورو ساعتونو کې د میرعلي نه بنو ته په داسې حال کې رسیږي چې دامنیتي ځواکونو له خوا یې هیڅ ډول مخ نیوی نه کیږي. دوی د شپې په یوه نیمه بجه د بنو په زندان برید پیلوي، د زندان دروازه په توغندیو او لاسي بمونو الوزوي او دننه داخلیږي. يو تښتیدلي قیدي ډیلي بیسټ ته ویلي بریدکونکوو اوازونه کول ( عدنان رشیده ته چیرې یې ؟)
او په دې توګه زندان ماتیږي او څلورسوه قیدیان چې عدنان رشید او شل نور خطرناک مجرمین هم پکې شامل دي ، په تیښته بریالي کیږي.
ډیلي بیسټ لیکي یو افغان ډیپلومیټ دوی ته ویلي په بنو کې دISI د خوښې بغیر مرغۍ هم الوتی نه شي نوداڅنګه ممکنه ده چې له بارودو او وسله والو ډک ګاډي له شمالي وزیرستانه بنو ته راځي ، زندان ماتوي او بیرته خوندي ستنیږي.
دغه کس د نوم د نه ښودلو په شرط ډیلي بیسټ ته ویلي، زه باورلرم چې پاکستي چارواکو به د بنو زندان قیدیانو ته ویلي وي چې په دې شرط مو خوشې کوو چې دپولې واوړئ او په افغانستان کې د افغان او نړیوالو ځواکونو خلاف وجنګیږئ.
خو د فرانسې خبري اژانس بیا لیکي چې دخیبر پښتونخوا چارواکو د بنو د زندان د ماتیدو پر سر څلور لوړ پوړي چارواکي له دندې لري کړي دي او دصوبې د اطلاعاتو وزیر میا افتخار حسین ویلي چې دا پېښه د استخباراتي چارواکو د ناکامۍ له امله مخې ته راغلې ده
Source: Mashaal Radio.