(که سپوره وي که پوره وي نو په شریکه به وي (باچاخان)

ملامحمد عمرمجاهد په کراچۍ کې دی

[25.Dec.2014 - 13:36] دپخواني ولسمشر کرزي وياند بي بي سي ته ويلي چې ملامحمدعمر آخند په کراچۍ کې دی. څه موده وړاندي د افغانستان حکومت ويلي ؤ چې ملامحمد عمر آخند مړ دی، ژوندی نه دی له دي وړاندي ځينو ژورنالسټانو او دنړيوالو پښتو رسنيو په شمول هڅه کيده که د ملامحمد عمر مجاهد مرکه ورته پيداشي په يو ميليون ډالر يې اخلي. له دي نه دمخه بیا هما سلطاني د ولسې جرګې غړې ويلي ؤ چې ملامحمد عمر آخند ددې سره په کور کې دی. او له دي ټولو مخکې د کرزي د حکومت په لومړيو وختونو کې ويل کيدل چې ملامحمد عمر آخند يواځي نوم او سمبول دی، تر دغه نامه لاندي واک او کارونه د آی ايس آی مشران کوي. که رښتا ملامحمد عمر آخند په کراچۍ کې وي، د کرزي وياند ته معلوم وي، او يا چا کرزي يا ده ته ښودلي وي، نو بيا امريکا ته په کار ده چې د کرزي له وياند څخه پوښتنې ګرويژني وکړي، او ملامحمد عمر آخند ورته پيداکړي، ولي دا دومره خلک په ناحقه زجر او شکنجه کوي؟ که رښتيا ملامحمد عمر آخند په کراچۍ کې وي بيا خو افغان حکومت ته په کار ده چې له پاکستان څخه يې تسليم کړي داسي لکه دوی چې لطيف الله محسود ورته تسليم کړ، او يا له دي وروسته چې د ملافضل الله پاکستان ته د سپارلو خبره کيږي. که رښتيا ملامحمد عمر آخند په کراچۍ کې وي، بيا خو سوله بيخي اسانه ده، پاکستان دي له افغان حکومت سره معامله وکړي، ملامحمد عمر آخند دي ورته تسليم کړي، او هغه نيټه دي د طالبانو د تحريک د ختم نيټه هم اعلان کړي. که رښتيا ملامحمد عمر آخند کراچۍ کې وي، بايد چې کرزی او دهغه ټيم محاکمه شي، ولي يې دا دومره وخت دهغه ځای خپلو او د امريکا استخباراتو ته نه ښود. او که رښتيا ملامحمد عمر آخند کراچۍ کې وي، افغان حکومت ته يې ځای معلوم وي، بيا نو ولي په پټه دوی او امريکا هلته عمليات نه کول او ولي يې ژوندی نه نيوي؟ که رښتيا ملامحمد عمر آخند کراچۍ کې وي، بيا ولي کرزي په خپل وخت کې د طالبانو د ادرس پوښتنه کوله چې ادرس يې معلوم نه دي، مشران يې پټ دي، او خلک دي موږ ته دوی راوښيې چې ورشو او خبرې ورسره وکړو. دا ټول هغه څه دي چې د يو سالم مغز څخه ددغسي خبرو تمه نه شي کيدلای. او نه دي دوی تمه کوي چې دغه ډول خبرې سالم مغز منلای شي. ملامحمدعمر نه وژني مګر د کرزي د مرګ ویره ده په کوردننه افغان رسنیو راپور ورکړی چې د امریکا د دفاع وزارت ويلي دوی ته د ملامحمد عمر مجاهد او لوړ پوړو طالب مشرانو وژل او نیول هدف نه دی. امریکا يې چارواکو ویلې چې د ۲۰۱۴ ميلادي کال تر پایه د دوي جنګې ماموریت په افغانستان کې پای ته رسيږي او له هغه وروسته به دوی طالب مشران هدف ونه ګرځوي، او نه هم طالب مشران د امریکا دښمنان دي، او هر هغه څوک د ملامحمدعمر په شمول چې د امریکا ګټو ته خطر نه وي، دامریکا له خوابه د نيول کیدو او يا وژل کیدو هدف ونه ګرځي. له دي سره هم مهاله دا راپورونه هم نشر شول چې د کرزي ژوند ته ګواښ او خطر دی، امریکا هڅه کوي چې د کرزي له پخوانیو ساتونکو سره اړيکې ونیسي، امریکا يانو هڅه کړي چې په کندهار کې د کرزي له ساتونکي سره معامله وکړي، مګر د کرزي ساتونکی يې خبرو ته نه دی چمتو شوی. ویره ده چې امریکا د کرزي له منځه وړلو پلان لري. که فرض کړو چې ملامحمدعمر آخند او د طالبانو نور مشران د امریکا له پاره له دي وروسته هدف نه دی، آیا په کار ؤ چې هغوئ ورسته له دیارلس کلونو دا ډول يواعلان وکړي چې نه افغان حکومت او نه هم له طالبانو سره پکې همږغې وي. که رښتیا هم د امريکا هدف د ملامحمد عمر مجاهد او نور طالب مشرانونیول او وژل نه وي؟ بیا نو ولي دلته زموږ پر پاکه خاوره د امریکاد جنګ له پېله تر اوسه پورې تر يولک زیات افغانان ووژل شول؟ ولي تر يونیم لک زیات افغانان زخمیان شول؟ او ولي تر پنځه لکه زیات افغان کورنۍ بې کوره شوې؟ که رښتیا هم امریکا ته نور ملامحمد عمر مجاهد او طالب مشران هدف نه وي، نو بیا ولي يې دهغوئ پر سر لس ميلیونه او تر دي کمې جایزې ايښې دي، او لا هم پر ځای دي، ولي امریکا همهاله د جایزو د لغوه کیدو اعلان هم نه کاؤ؟ که امریکا په خپل اعلان کې ریښتونې وي، ولي يې د ملامحمد عمر مجاهد او طالب مشرانو نومونه له اعلان سره سم د ایف بي آی او ملګرو ملتونو له تورو لسټونو څخه ونه ایستل؟ په کار خو داوه چې ددغه اعلان سره سم يې د تورو لسټونو څخه هم د طالبانو نومونه لیري کړي وای. که امریکا په خپل اعلان کې ریښتوني وي ، او حتمې ده چې پر دغه پلان به له څو میاشتو راهیسې دوی کار کاؤ بیا ولي دوی په بحرین کې انس حقاني او دهغه سره ملګري حافظ عبدالرشید ونیول، افغان حکومت ته يې تسلیم کړل. که امریکا وايې چې طالبان ددوی دښمنان نه دي، نو بیا به ترکومه افغانان د ګوانتانامو په بدنام زندان کې ساتي، ولي يې ددغه ډول اعلان سره همهاله د ګوانتانامو افغان بندیانو ازادي هم نه اعلانوله؟ او که امریکا په خپل اعلان کې ريښتونې وي ولي يې د طالبانو اړوند پر سفرونو بندیز لغوه اعلان نه کی؟ ولي يې دقطر دفتر اړوندڅرګندونې ونه کړي؟ ولي يې د طالبانو د رهبري شورا اړوند څه ونه ویل؟ هغه چې امریکا او افغان حکومت يې د کويټې او پېښور شورا په نومونو يادوي، داچې ویل کيږي امریکا غواړي کرزی له منځه يوسي، همدا خبره هم د کرزی له پاره يو کریډیټ دی، امریکا غواړي چې په کرزي نوره پانګونه هم وکړي، کرزی د افغانانو په سترګو کې هیرو جوړ کړي. همدا خبري امریکايې لوړ پوړو چارواکو د کرزي د حکومت په پاتې يوکال کې کړي وي چې دوی غواړي کرزی په افغانستان کې د دروند او محترم شخصیت په توګه پاتې شي. داچې کرزي له امریکا سره امنيتې تړون لاسلیک نه کړ، همهغه وخت هم امریکا کولای شول چې د کرزي د وخت د بهرنیو چارو وزیر او يا د کرزي دوخت د امنیت شورا له مشر ښاغلي سپنتا سره دغه بدنام تړون لاسلیک کړي، داهرڅه ددي له پاره چې کرزي ته د غلامي له نوم څخه يو ډول نجات ورکړي، او وښئې چې کرزی لږ اندازه خپلواکې هم لري، ولي تاریخ هیڅ نه هیروي، سمه ده که د انسانانو ذهنونه ژر هیریدل کوي، تاریخ هر څه ثبت کړي او راتلونکې نسلونه به قضاوت کوي. که امریکا وغواړي هر وخت او هره ګړۍ کرزی له منځه وړلای شي، اړتیا نشته چې دهغه له پخوانيو رخصت شويو ساتونکو څخه مرسته وغواړي، اوس هم دکابل امنیت، د لوړ پوړو چارواکو امنیت او د ارګ شاوخوا امنیت د امریکايې استخباراتو او پوځیانو له خوا کنټرول کيږي، او د کرزي اوسنی کور هم د ارګ سره نږدې د بهرنیو چارو وزارت پر سړک پروت دی. ډیری راپورونه داسي دي چې دکرزي ورور احمدولي کرزی امریکایانو وواژه، که څه هم طالبانو دهغه پړه پرغاړه واخستله، داسي ویل کيږي چې کرزی هم پر دي ګروهه دی چې ورور يې امریکایانو وژلی دي، امریکايان کولای شي چې کرزي هم په ډیره اساني سره ووژني. داچې امریکا د پاکستان ولسمشر ضیاء الحق په هواء کې وژلای شي، داچې امریکا اسامه بن لادن شهید کولای شي، داچې امریکا د لیبیا ولسمشر قذافي، داچې امریکا د عراق ولسمشر صدام حسین وژلی شي. آیا ګرانه به وي چې په ددوی له خوا په اشغال شوې افغانستان کې کرزی له منځه یوسي؟ داچې امریکا په بېلابېلو وختونو کې د ځینو هیوادونو الوتکې په هواء کې ويشتلي او بیا چا د لویدلي الوتکې تورباکس هم نه دي پيداکړي، دابه ورته ګرانه وه چې هغه الوتکه يې ویشتلي وای چې کرزی پکې هند او بیا چین ته سفر کاؤ؟ نتیجه: ویل کيږي چې اوس مهال د ملامحمد عمر مجاهد ځای له پاکستانې، افغان او امریکايې استخباراتو څخه ورک دی، داچې پاکستاني پوځیان او استخبارات په وزیرستان کې کور په کور تلاشي کوي، دا هم يو لوی سوال دی؟ داچې د ملامحمد عمر د وژلو ادعاء کيږي، داچې د ملامحمدعمر پر ځای د طالبانو د بل مشر خبرې کيږي، شنونکي په دي نظر دي چې له همدې لارو نړیوال استخبارات غواړي د ملامحمد عمر په اړه ځانته معلومات ترلاسه کړي. داچې د کرزي د وژلو او دهغه ژوند ته د ګواښ خبره کيږي، يواځي او يواځي ددي اهدافو له پاره چې هغه او دهغه کورنۍ په افغانستان کې دلاسه ورکړی حثیت بیرته خپل کړي، امریکا ته په تیرو دیارلس کلونو کې د خدمت له امله هغه بیا هم په افغانستان کې محترم او عزتمند سړی پاتي شي، امريکا غواړي کرزی او دهغه کورنۍ د افغانستان په برخلیک کې همیش مهم رول ولري. - نظرمحمد مطمئن
بېرته شاته