(که سپوره وي که پوره وي نو په شریکه به وي (باچاخان)

دخواخوږی ادبي او کلتوري ټولني د خواشينۍ پيغام

[01.Nov.2015 - 21:55]

دارواښاد افضل خان لالا د مړيني په مناسبت

 دخواخوږی ادبي او کلتوري ټولني د خواشينۍ پيغام

 نيټه: ١۰/۸/١٣۹۴ - ۱/ ۱۱ /٢٠۱۵ 
          
کابل - افغانستان
   

 په ډېره خواشينۍ سره مو خبر ترلاسه کړ چي دلوی افغانستان ستر خواخوږی شخصیت دپښتنو ملتپال مشر ،ليکوال، سياستوال او لوی مبارز شخصيت افضل خان لا لا د دي فاني نړي څخه سترګي پټي کړي.

إِنَّا لِلّهِ وَإِنَّـا إِلَيْهِ رَاجِعونَ

ارواښاد افضل خان لالا چي يو وتلی انقلابي مبارز شخصیت وی د نيمي پيړي څخه ډېر کلونه د ولس د ويښتابه او دخپلواکي غوښتونکي غورځنګ د مشرانو څخه ګڼل کيږي، د ښکيلاک او پوځي واکمنانو پر خـلاف جـد او جهـد کړ،ناخوالی یي ګاللي خو د خپل مقدس او ملي هيلو څخه ندئ پر شا سوي.                           

د خواخوږی ادبي او کلتوري ټولني مشرتابه پلاوي او ټول غړي د ارواښاد افضل خان لالا مړينه يوه لويه ضايعه بولي، ارواښاد ته جنت الفردوس، کورنۍ، سیاسی او مـدنی ټولنو او ټولو لر اوبر افغانانو ته د خواخوږي مراتب وړاندي کوي او د خداي (ج) د دربار څخه ټولو ته د زړه صبر غواړي.                                                                                            

                                                        په درنښت،
                                                        
الحاج جنرال غرزي خواخوږی
                                                       
د خواخوږی ادبي او کلتوري ټولني مشر

- د افضل خان لالا په مړينه
بېرته شاته