ناحيدی شهيده
ما په ځانګو کې ما شومان پيژني
زما غيرت زما ايمان پيژني
که له هر کاڼي بوټي وپوښتي څوک
ما له امونه تر بولان پيژني
د ميوندی ملالی نوم نه قربان
چې په ټپو يي زوړ او ځوان پيژني
د مور خدمت چې کړي جنت ته به ځي
دا جنتيان افغانستان پيژ ني
په ميکده کې خم په سر اړوو
مونږه بدمسته جهانيان پيژني
د ناهيدۍ شهيدی رنګ د وينې
په سور شفق کې پاس اسمان پيژني
له خود غرضو نه نفرت لرمه
يم يو فقير ما ملنګان پيژنی
حفيظ مليار زخمي زخمي روان يم
ما بل څوک نه ما خپل ارمان پيژني
بېرته شاته