دښاغلي قیام شعرونه تازه شول
داسپرلۍ دئ؟
چاوې دلته،اوس موسم دنوبهاردی
ماوې،داخوبيادتيرمني تکراردی
ماوې دلته،نه کوچيان شته،نه رمې شته
نه شپونکئ شته،نه شپيلۍشته،نه نغمې شته
لاخو خړې بوړبوکۍ دي،چې تاويږي
نه نسيم دسباوون شته،نه وږمې شته
نه په باغ کې تورببرئ شته،نه سورګل شته
نه بوراشته،نه طوطي شته،نه بلبل شته
لاخوټولې دښتی،خړې پړې ښکاري
نه غاټول شته،نه پوروتي٠نه سنبل شته
ماوې،زه قيام ،حيران يم دې بهارته
دسپرلي په وخت،دتيرمني تکرارته
الحاج الهام الدين قيام والدورف/جرمنی
د١٣٩١کال ددولسموټولګيودفارغانودکانکورپه ازموينه کې ددرغليوپه اړوند مې خپل يوپخوانی شعررايادشو٠سره لدې چې زمونږمشران له يوه سره داوريدو غوږونه ،نلري خوبياهم مونږبه ژاړو اودوې دې راپوری خاندي،
ښځه
ښځه مورده،ښځه خورده
ښځه ترور،ښځه ننګورده
ښځه موردبشريت ده
څوک ئې ځوی دی،څوک ئې لورده
دبشردبقارازدی
ګهواره ئې دشعورده
سرچينه دمحبت ده
ښځه لوړدمينی شورده
دهرکوربله ډيوه ده
پرې روښانه هريوکورده
لکه لمرښکلي ځلاده
چې رڼائې په هرلورده
دټول ژوندښکلی ملګری
دميړه دمټو زور ده
دادښځې برکت دی
چې پرې داجهان سمسورده
که داښکلئ موجودنه وي
نوبياداجهان نسکورده
الحاج الهام الدين قيام والدورف/جرمنی 8.03.2013 دښځونړيواله ورځ
ماوې کاشکې
چاوې خط دې په پښتو وای
کتابت دې په پښتو وای
داپردۍ ژبې دې هم وای
خوصحبت دې په پښتو وای
مورئې غلي ورته وې چې
عبادت دې په پښتو وای
دابه څومره ښه وای،خدايه
چې جنت دې په پښتو وای
پلارورچيغې کړې چې ځويه
شريعت دې په پښتو وای
داپښتودې شريعت وای
قضاوت دې په پښتو وای
ماوې کاشکې ائ پښتونه
لږغيرت دې په پښتو وای
که دې سل ژبې هم زده وای
خو عادت دې په پښتو وای
الحاج الهام الدين قيام
21.02.2013
دمورنۍ ژبې نړيواله ورځ