بهــــیر
چی دې وګورمه سترګو ته په ځیر
لیـــونی شوم رانه پاتې شي تدبیر
مینه څه ده؟ لیونتوب د ژوند هسته ده
لګـــــــوي سرکشو غاړوتـــه زنځیر
که ښکلا او سپیڅلتوب غاړه غړۍ شي
نو، هنر او ادب ومـــومـــــي مســــیر
که انسان، انساني مینې ته ځان سپاري
ژوند به وي د پسرلیو یو بهیـــــــیر
که د پوهې مقتدا پسې ودریـــــږو
پړ بــه نه یو قضاوت ته د ضمـــیر
که پر سمه لار کاروان پسې تکل وي
طـــریقې ته به اړ نه شو د کــوم پیر
د مـــواج د ارمانــــونو ګل غوړیـــږي
هره خوا شـــــیندي وږمی به یې تا ثیر
شاعر : نجم الرحمن مواج
ترتیب کوونکی : انجنیر عبدالقادرمسعود