کوم پیمان؟
[21.May.2015 - 19:29]چې ښه یې پیژنو بیا ځان تیر باسو
دا موږ خپل ځان که دښمنان تیر باسو؟
خدای دې تباه کړي چې تباه یې کړلو
مونږ دا دوه مخي په پیمان تیر باسو؟
دا د وختونو ډیر محیل دښمن ته
موږ فرصتونه د زمان تیر باسو
دوئ صرف په خوله باندې دوستي یادوي
وایي : افغان په بل افغانان تیر باسو
څوک چې دونیا ته شرارت خپروي
هغه به څنګه موږ اسان تیر باسو؟
په هیڅ پیمان ، وعده وفا نکوي
دوئ وایي : چم کې ټول جهان تیر باسو
د خداي لعنت دې وي په داسې خلکو
چې خپل ګاونډ بیا مسلمان تیر باسو
دا قاتلان دي د پیمان نه دي دوئ
څو به ضمیر او خپل وجدان تیر باسو
-----
سمیع الدین افغاني ۲۱ - ۵ - ۲۰۱۵