نه جوړیږي
[02.Aug.2018 - 14:50]نه جوړیږي
خاوریـنـو خښـتو نـه اوبـو کې دیـوال نه جوړیږي
چې پوخ د میني په اورنه شي وصال نه جوړیږي
زمــا د فـکــر غــــــزونـې سـتـا جـمـال جــوړول
لـه تانـه غـیر جانانه هسې جـمال نـه جـوړیـږی
څو د کارګر د خولو بوي د وینو رنګ ور نه کـړي
دا خوارقسمت د درویزګرو په سوال نـه جوړیږي
څـو په تـدبـیر ملي شعـور را بـیـدار شـوی نـه وي
تقـدیر ته ناستو په پلمو خوشې خیال نه جوړیږي
د عـلـم پـوهـې زمانـه کې فـال نـیـونکي واکـمـن
پـوه شۍ پـه فـال جـادو لویـدلی جلال نه جوړیږي
چې قدم نه اخلي مخکې نه ځي وخت هم نه دریږي
د خدمـتګار ولس له دې حاله حال نه جوړیږي
محمد یوسف خدمتګار مزدورزوی