وختونه
[12.Nov.2018 - 12:43]
ناوکي
راځه ورو وروناوکي
مبارکه مو دا ښادي شه
قدم اخله په لیموکې
په نصب مو خوشالي شه
------
نن ښادی ده خوشالي ده
دا د مینې خوږ ارمان دی
د یو نوی ژوندون پیل دی
نوی عهد نوی پیمان دی
هرخوا بل دی مشالونه
زیب او زر موزندګي شه
قدم اخله په لیمو کې
په نصب مو خوشالي شه
د نجونو مینځ کې هر قدم په مکیزو ګده
ښکلې ناوې قدم ورو ورو ګده
ډیر ګیله من یمه زه
په زړه غمجن یمه زه
د ستا د حسن ،ښکلا
ډیر ارمانجن یمه زه
قدم راواخله هر قدم دې په نخرو ګده
ښکلې ناوې قدم ورو ورو ګده
شیرین رخسار مزه کا
ډول او سینګار مزه کا
ستا د ښکلا نه لوګی
شیرین ګفتار مزه کا
در سره زیبي شینکی خال پاس په ابرو ګده
ښکلې ناوې قدم ورو ورو ګده
-------------------------------
سمیع الدین افغاني
چې وختونه
چې وختونــه يـو پــــه بل پسې سبا شي
حقايق د زمــــانې بــــه بـــرمــــلا شي
چاچې کړي وي خيانت د قام په حق کې
دا حتمي ده چې عالم کې به رسوا شي
د رښتيا کاروان پــه مخه ځي تیریږي
د خائن به دې کاروان نه لار جلا شي
بې لــــه شکه پــــه قوي تکل او عزم
دا تيارې د ظلمتونــــو بــــه رڼــــا شي
دريابونه هــــاند څپاند شي د بزمـــونو
چې عــــزمونه ارادې يې بې ریا شي
ځو پــــه مخه پــــه سراب نه ایساريږو
خيانت کار به مخ تورن نن يا سباشي
افغاني که ورورګلوي موخدای نصيب کړه
د دې خاورې خائنان به رو سيا شي
----------------------------------
سمیع الدین افغاني
*********
ورورګلوۍ
ځينې ، ځینې په نامه باندې افغان دي
په باطن کې ددې خاورې دښمنان دي
په هویت د افغانیت باندې شرمیږي
ځینې اوس لا په قدرت کې حاکمان دي
د تعصب اود نفاق اوریې بل کړی
ډیر بې رحمه پردي پاله ظالمان دي
ترحم یاڅه انصاف په دوئ کې نشته
د پردو پټ اوښکاره جیره خواران دي
نه د سر نه د چا مال امن خوندي دی
بې احساسه ډیر بی رحمه انسانان دي
اوس افغان ولس یو شوی بیدار شوی
شي رسوا به کوم هغه چې خاینان دي
د حساب ورځ ده راتلونکې لرې نده
په کوم چاچې زورولي افغانان دي
افغاني په ورورګلوۍ کې مو بریا ده
هریوخیل مود یوې باغچې ګلان دي
-----------------------
سمیع الدین افغاني