23.12.2020د پیر روښان
[23.Dec.2020 - 15:17]د پیرروښان کلام
دغه خاوره ده مېدان د غورځنګونو
هر ډګر ئې ازموده دې د جنګونو
هره پوله ئې ګرداب دې و غليم ته
مست سيندونه ئې څوکې کا د حدونو
هره څوکه ئې سنګر د خپلواکي دې
هر يو غر ئې کا څارنه د دښتونو
هره تړه ئې کمين دې د غازيانو
هره کنده ئې دې باب د تاريخونو
هر کنډو ئې د غليم په مخ آفت دې
هر ګذر ئې نومنه د طوفانونو
په فضا کښې ئې الوت دې د بازانو
په سينه ئې حرکت دې د مېړونو
دا وطن دې د هغو ښاغليو خلکو
چې شملې لري په ول، ول دستارونو
پیر روښان