18.01.2024یو بیتي
[18.Jan.2024 - 13:07]سید عبید الله نادر
زما یو لړ یو بیتي
لمړي برخه
««««
چي خفته عقل د علم په کرنګارو شو ،بیدار
هر قدم کې شـــــو ،آسانه ، راته فهم د اسرار
«««««
آرمـــانـــــونه د دردمنـــو به لنبه شي
که جاهلانو لاس ته پریوت حکومت
«««
بیدردانو مړ احساس هومره زهیر کړم
چي پناه وړمه له خلکو ، لیونتوب ته
«««
ځان به ورک کړې ، په غوغا کې په یو دم
که عارف په نظـــــر و ګــــــورې ، عــالم
«««
ما ته نن په حقارت ګوري ، دنیا
ځکه نفس او جهالت کړمه رسوا
«««««««««««««««««««««««
په کلنو زمــــــا نه څـــــاری ، د عدم لار
تر څو راشي ، ودي محفل ته یو هوښیار
«««««
غمګین غمجن په یو عالم غمو کې ډوب شم
ستا باغ وبڼ کې چي ، خـــزان وینـــم وطنه
««««««
معـــــرفت کې زړه روښـــانه د هر چـــا وي
که سر تاج د درست جهان ، او که ګدا وي
«««««
معرفت یو بل مشعل دی ، چي بلیږي
په دمــــاغ د حــکمـــــا او فلســــــفیانو
««««
د عارف په هر قدم کې ، په خپل حال باندی وي پام
ځکــــه ويني په رڼا د معـــرفت کې ، خـــــپل انـجام
«««
خبر دار له خپله حاله وي ، مدام
چي د زړه په سترګو چا ولید انجام
«««
ښه خو داوه ، چي ژوندی تللي وای ګور ته
نه راغــــــــلی پروني هنــدوانو ، کــــور ته
«««
پیدایښت کې چي له خاورو یو پیدا
فرق به څه وي ای غافله زما و ستا
««««
ټوټي ټوټي په توپونو د روس ښه یم
نه تسلیم د سره کمون ، و فلسفی ته
««««
فراق د عشق کې می وو ، صبر او تحمل
د وطــن فــراق کې تل یــــم ، ژړه غـــونۍ