(که سپوره وي که پوره وي نو په شریکه به وي (باچاخان)

ملال زړونه

چې دبل په خفګان ځان ساتي خوشال دا غـــرور دی داســـې کبر شـــه زاوال داسې نده چې ژوندون چاله هميش وي دا درياب دی چـــې بهيږي زود مهال څوک چـــې بل ازاروي خپله ازار شي چې ازار نکړې په ژوند کې د چا سيال زه ددوست اوانډيوال نه معافي غواړم که پوه شوی وي نا سم په کوم منوال د بل زړه خوشالول لوی عبادت دی د فـــلاح نـــاره بـــلنـــد وه د بـــلال احـترام د عـــزتـــمندو اوپـــوهـــانو دا حکـــمت دی عــلامه ده د کمال په اصلاح د تير وتو کې بدي نشته ناپوهـــان به تل مغرور وي د کمال دانا دوست به تل ښيګڼې درته ښايې نادان دوست به دې اخته کړي په جنجال افغاني د دوست په نقدکې خپه ندی خـــو زوريږي تل د زړونو په ملال

م٠ کال ١٢ - ١١ - ٢٠١٠

پریږده پریږده ای مرګيه

لــــږ دمـه شــه ای زړګيــه زه لا نورڅــه کـول غواړم لږ مــې پــریږده ای مرګيه د ايمان آ زمــويل غواړم چې منبر مــې چــا سيزلی دهــغو پــرځــول غــواړم زمـاورورېــې چـې وژولـی ترې ګريوان څيرول غواړم بــبر سری مــاشومــان مـې له بــمــو بــچــول غــواړم چې ترې والوزی کــوترې د پنجــرو مــاتول غــواړم لا نيمګړی مــی آرمان دی زه آرمان ښکولول غواړم دا چې کور په کور روان دی داماتم ختمول کول غواړم نــا اميد داغلــي زړونــه په ليمو ښکولول غواړم دا کشتی پــه ډوبيــدو ده تر تـوفـان تــيريدل غواړم ربــه داسې طــاقت راکړی د ولس پــاڅــول غــواړم چې موږ تول سره يوځای کړي پــوه رهــبر درول غــواړم پــریــږده ای مرګيه پریږده زه جانان تــه ورتلل غواړم يوپاڅون يــوانقلاب تــه لــراوبــريــوکــول غواړم يا به دا ارمــان پــوره کړم يا کــفن څيـرول غــواړم بيا نو هــله پــه مــزار مې ســره جنډه رپـول غواړم

م ٠ کال ١١ - ١١ - ٢٠١٠ -
بېرته شاته