12.04.2022دوعا
[12.Apr.2022 - 14:17]د میني د ښمـنـان واړه میـن او عاشقـان کــې !
یــــــا ربـــــه د انـــــــســـان !
توان د محبـت زړه کې، پـیدا د هر انسان کې !
یــــــا ربـــــــه د جــــــهــــان!
چې هر یــو تـن میـن شي پـه انصاف او عدالت
د زور نـــــه وي نـــــــفـــرت
سـوله ارامي شي او ژونــــــدون وي د عــــزت
د هـــــــر قـــــــام او مـــلــــت
بنسټ ولسولي شي، چې هر تن وي په امان کې!
یــــــا ربــــــه د جـــــــهــــان!
چې نشت نوم د ښکیلاک او دزبیښاک شي په دنیا کې !
قــــایـــــمــه ورورلـــې شـــي
هرڅوک په کار لګیا شي د ژوندون په ارتقا کې!
پـــدې لار کـې ســیـالــي شــي
شرېک شي ولسـونه ټـول پـه ګټـه او تاوان کې !
یــــــا ربــــه د جـــــــــهــــان!
نقشه کې نړۍ جوړه د ستوري پښتونخوا کې !
چــــې زړه د اســـــــــیــــا دی
توان د اتفـاق پـــه پـښتنو کې راپیدا کــــــې !
چــې لـــوې ارمــان زمـــا دي
بچي مې د وطن ټول د پښتـو په لار روان کې !
توان د محبـت زړه کې، پـیدا د هر انسان کې !
یــــــا ربـــــــه د جــــــهــــان!
late Dr. der.nat. Kabir Stori
ډاکتر کبیر ستوری