12.04.2022پېښوره
[12.Apr.2022 - 16:45]پېښوره !زمکه ریږدي بیاڅه شور دی؟
مړورګونوکې بل شوی داڅه اور دی؟
پېښوره ! د ټیکریو رپا اورې ؟
د زلمیو د څپلیو خرپا اورې ؟
پېښوره !بیا د کوم بدلون ناره ده؟
د پښتون دخپلواکۍ څه ننداره ده ؟
پېښوره! دجنډو سور لاله زاره
یه زما دغږ ملګریه یکه زاره
پېښوره! هیندوکش سره همزولیه
یه دګلوله سره ځوښ سره همزولیه
پېښوره! ټول جهان درته نن ګوري
نن له تا سره د ډېرو زړونه ښوري
پېښوره! دا پاڅون دې مبارک شه
دافغان دژوندخوځون دې مبارک شه
پېښوره!پام چې بېرته راستون نه شې
خدای دې نه کا،چې پېغور دپښتون نه شې
پېښوره ! یو توپان شه او سیلاب شه
ستر ټاټوبی د یوه نوي انقلاب شه !
عبدالغفور لېوال Abdul Ghafoor Liwal