Adab au Hunar / شعر، ادب او هنر
پیژند پاڼه
ادم حوا سره پښتو ویله
خدای له موسا سره پښتوویله
دخپل ائین د خپرید په خاطر
زردشت هرچاسره پښتو ویله
یوسف د مصر د عزیز ماڼۍ کې
له زلیخا سره پښتو ویله
کلونه پس چې له ځنګله راغی
خلکو بودا سره پښتو ویله
سزار د خپلې زمانې زبرځواک
کلوپاترا سره پښتو ویله
لکه چې ژبه د عشاقو وي دا
مجنون لیلا سره پښتو ویله
یوروپ کې لویه زویه تاته وایم
نیکه دې نیا سره پښتو ویله
دا پیژند پاڼه خپله مه ورک کوه
چې مور دې ما سره پښتو ویله
سرتیره څوک ؤ،چې په ماته ژبه
یوچا له تا سره پښتو ویله