Adab au Hunar / شعر، ادب او هنر
خوږ دے ماته
[30.Apr.2016 - 09:08]خوږ دے ماته ملک زما خوږ تر کل جهان
زه به ځم په جنګ د قام زه چي شمه ځوان
وينه ده تاوده زما رګونو کښي د ننګ
سر که مي قام غواړي زه به ئي نه کړمه په ځنګ
زور دے ماليدلے هم د توپ هم د تفنګ
زور مي د غيرت دے د همه زورونو ځان
زه به ځم په جنګ د قام زه چي شمه ځوان
سر ځه د سپي سر وي چي فدا نه شي په قام
نر ځه شځونه وي چي شيدا نه شي په قام
نوم ناموس ئيي ځه وي شي ئيي نوم وي د غلام
دا نوم به بدل کړم يا به کړم بدل جهان
زه به ځم په جنګ د قام زه چي شمه ځوان
زه پښتون بابا د خپلو وينو پيدا کړي
زه پښتني مور په غيرتي پيو لوي کړي
مونږ په پلار نيکه دي د مردي کارونه کړي
زه به غلام نه شم که غلام شي ټول جهان
زه به ځم په جنګ د قام زه چي شمه ځوان
زه به په وجود يمه کوټلے وزير اس
کړم به د کاروان خبردارے لکه اس يم
زه به د ظالم سترګو کښي تل د سترګو خاص
زه به لکه باز يم د نرتوب مرد ميدان
زه به ځم په جنګ د قام زه چي شمه ځوان
زه به لوي زړګے لکه شيرشاه د بنګالے لرم
مټ به ابدالے لرم همت به روهيلے لرم
سر به ښکته نه کړم که زرګونه کشالي لرم
ربه ښکته مه کړي چاته سر ته د افغان
خوږ دے ماته ملک زما خوږ تر کل جهان
زه به ځم په جنګ د قام زه چي شمه ځوان .