Adab au Hunar / شعر، ادب او هنر
خالق زېار ېاد
[31.Jan.2019 - 13:44]د ډاکټر خالق زيارته
چاپيرچل د پښتنو دے
هم تاريخ مو د پښتو دے
دا خاوره د ژوندو ده
د الفت د ليونو ده
د نظر د پسرلو ده
وږمه خيزه په فکرونو
په سازونو په رنګونو
آ سپيره بادونه څه شو?
آ د وخت قصدونه څه شو?
د سامراج ظلمونه څه شو?
څوک ولاړ د غر په سر دے
وئ ډاکټر دے سخنور دے
سم پښتون دے دانشور دے
هم خالق دے هم تخليق دے
په سوچونو کښې غريق دے
" مات څانګونه " په هيله دے
د سبا په" تلوسه " دے
" دا خاوره هم دا خلک "
په جار ستايي ارواښاده
په شعرونو زمزمو کښې
د رباب د تار سرو کښې
د ژوندون ډکو نغمو کښې
خپل ولس په لاره بيايي
لوړ فکرونه ورته ښايي
د آمو نه تر اټکه
چتراله تر بولانه
دا لوې کور د پښتنو دے
په کښې ژوند د پښتنو دے
نن پرون د پښتنو دے
روڼ سهار د پښتنو دے
هم جمات د پښتنو دے
هم حجره د پښتنو ده
په دې کور د پښتنو کښې
يوه ونه ده د بيرې
دغه بيره پښتنه ده
ورکې ټال د پښتنو دے
چې د مينې د شيبو دے
په هوا د الوتو دے
خو دعزم ارادو دے
اقبال حسين افکار