Adab au Hunar / شعر، ادب او هنر
مورنۍ ژبه
[02.Jul.2019 - 17:34]مورنۍ ژبه
چې تعلیم په مورنۍ ژبه کې حق دی
مونږهم کړی په پښتو ژبه سبق دی
ما لوستلی دی تاریخ د پلار نیکنو
د ملالې آزادۍ لاس کــې بیرق دی
احمد شاه بابا میړانې ته سلام دی
دې سالار دسرلوړۍ مقام مطلق دی
د میرویس نیکه ویاړنې کار نامې بیا
دي روښانه لکه لمر، لکه شفق دی
د نازو انا د مینې خوږ ژوندون دی
چې یې مینه په هرګل په هر زنبق دی
دا میړانــې کارنامې مو د پلارو دي
چې غلیم مخې ته سپر په یوچقمق دی
راځي ورنو خپله ژبه معیاري کړو
هـــر ټبر د معیاري ژبــې لایق دی
---
سمیع الدین افغاني