پر پي ټي اېم د بندیز
[17.Oct.2024 - 20:35]د پښتون قامي جرګې / عدالت د جوړیدو د مخنیوي غندنه
د لوې او بخښونکي خدای په نامه
د پښتنو ټولنیز ولسولیز ګوند PSDP په پښتونخوا کښې حالات له نژدې څارې او د پاکستاني واکمنو له خوا د یولسم اکتوبر د پښتنو د جرګې (عدالت) د مخنیوي هڅې او پر پښتون ژغورنې غورځنګ بندېز په کلکه غندي.
د پښتنو ټولنیز ولسولیز ګوند #PSDP, چې د پښتنو رسالت ورپغاړه دی او د پښتنو استازېتوب کوي, تل یې خپل غږ د قامي/ ملي خوځښتونو او غورځنګونو سره مل کړی دی, نو د ملي ګټو پر بنسټ یې د ۲۰۱۸ کال د اپریل مېاشتې رااېسې د پښتون ژغورنې غورځنګ هر اړخیز ملاتړته ملا تړلې ده.
پښتون ژغورنې غورځنګ PTM د پښتنو په سیمه کې د ترهګرۍ په خلاف, د پښتنو په خاوره د امن او د پښتنو د حقه حقوقو لپاره د سوله ایزې مبارزې له لارې هلې ځلې کوي او د روان 2024 کال په یولسم اکتوبر یې د خیبر په تاریخي سېمه کښې د پښتنو دودېزه جرګه (عدالت) رابللي, چې ټول پښتانه په یو ټغر راټول شي او پښتنو ته د ورپېښو ستونزو د حل لپاره په ګډه لارې چارې ولټوي, تر څو د ریاست له توپیري چلند, بشري حقونو د سرغړونو, د پښتنو دنیولو, بې درکه کولو, وژلو او ظلمونو څخه پښتانه وژغوري
د پښتنو ټولنیز ولسولیز ګوند په پاکستاني واکمنو غږ کوي, چې نور د پښتنو د ځپلو, نیولو, بې درکه کولو, وژلو, د کورونو د ویجاړولو او د پښتنو د دښمنۍ څخه لاس واخلي او د نړیوالو سوله دوستو ځواکونو, ټولنو او هېوادونو څخه په کلکه غوښتنه کوي, چې د پښتون ژغورنې غورځنګ دحقه غوښتنو ملاتړ وکړي, ځکه چې پښتانه په سيمه کښې يو ستر امن خوښې ځواک دى ، سيمى ته ثبات او امنيت بخښي ، زمونږ په اند پغير د پښتنو د قامي وحدت، سوکالۍ او ارامۍ څخه په سیمه کښې امن او سوکالي نه شي راتللې
درنښت
محمد شیرین ګردیوال
د پښتنو ټولنیز ولسولیز ګوند لومړی مرستیال
#PashtunNationalCourt11October
#ManzoorPashteenIsOurRedLine
Pashtoon Social Democratic Party (PSDP)
07.10.2024