Adab au Hunar / شعر، ادب او هنر
غزل
[04.Jun.2020 - 14:58]خوله مې کښېښوده، ویده شوم په رنګينو رخسارونو
چې مې سُود د زړه کېدلو، راغی خوب په انګارونو
.
دا په دې لاره تېر شؤی کوم د وينې سوداګر دی؟
چې ګلونو کښې سا نشته، وار خطا د بهارونو
.
ما د خپل بزم ډېوه کړې، درته ګورم غلی سوځم
ستا محفل ته څنګه درشم، دی قدغن په اظهارونو
.
دا د حسن مملکت کښې کوم نمرود دی پیدا شؤی؟
چې د زړونو کلي وران شو، اور شو پورې په ښارونو
.
چې دا ستا لپاره ورک شول، ننداره یې لږه وکړه
مينې، څومره ښکلي ښکاري، ځوان فکرونه په دارونو؟
.
چې په موږ یې چمن اور کړ، اوس دې راشي که کتلای شي
سرهٔ لاله په سرو مېرو کښې، د ارمان په مزارونو
.
دا د چا د مينې داغ مې په تندي دی لګېدلی
چې بدنام شومه، رسوا شوم، په کوڅو، په بازارونو
.
ستا د مينې برکت دی چې ژوندون زما تېرېږي
څه د چا په الزامونو، څه د ستا په انکارونو
.
قلندر ستاسو تکل کښې تورو شپو ته غاړې وځي
کوم ظلمات کښې يې ورک شؤي ښکلو ښکلو سهارونو
.
.
ویده = اُوده، بیده
قدغن = بندیځ، بند، پابندي، منع
تکل = هڅه، کوښښ، لټون، اراده
لاله = غاټول، خاټول، غانټول، رېدی، سندی، شندی، شیندی
ظلمات = ۱) تیاره، تورتم ۲) د ظلمت ډېرګړی (جمع)
.
The army is arresting,torturing, shelling locals of Eidak in N. Waziristan because of an attack on check post. Many locals hv been injured wd killing of at least 1 Saeedullah hs been confirmed.The area has been sealed.
ارواښاد قلندر مومند
سباوون - مخ ۸۴
ممتاز خان