(که سپوره وي که پوره وي نو په شریکه به وي (باچاخان)
Adab au Hunar / شعر، ادب او هنر
پښتنو ته د رڼا ډېر ضرورت دى
غواړم ستا يوه خندا ډېر ضرورت دى
انکار مه کوه اشنا! ډېر ضرورت دى
زلفې واړوه د مخ نه چې سبا شي
پښتنو ته د رڼا ډېر ضرورت دى
هغه ورځ خو دې جانانه تُوره وکړه
يم يواځې نن دې بيا ډېر ضرورت دى
ستا خوږې خبرې ښې دي ملا جانه
تا ته نور هم د حلوا ډېر ضرورت دى
محبت علاج د هرې ناروغۍ دى
ورته دلته د هر چا ډېر ضرورت دى
نن خو لاړو په بمونو کې حېرانه
اوس خېر غواړه د سبا ډېر ضرورت دى
Abdul Hadi Hairan
 بېرته شاته |
