Adab au Hunar / شعر، ادب او هنر
دخیبر ځلمي
[27.Oct.2020 - 16:33]مونږ یو د خیبر زلمي، پښتو زمونږه شان دی
مونږه پښتانه یو، په وطن مو ځان قربان دی
.
مونږه د خیبر په خشکو غرونو کې لوی شوي یو
مونږه پتنګان د غیرت په شمع سوي یو
مونږ د وطن مټې یو، وطن زمونږ ځان دی
.
زمونږه ارادې له تاتارې نه هم اوچتې دي
په وینو کې زمونږه خزانې د غیرت پټې دي
مونږه توریالي یو، دا وطن په مونږه ګران دی
.
څوک به په خیرنو سترګو دې وطن ته وګوري
سترګې به ترې وباسو چې دې چمن ته وګوري
زمونږ په یوه چیغه لرځېدلی ټول جهان دی
.
.
خشک = وچ، کلک، شنډ
مټې = ۱) مټ، د اوږې نه تر څنګل پورې د لاس برخه ۲) بازو او مجازاً قوت، زور، ځواک
تاتاره = تاتاره د لنډي کوتل په سوېل کې د ملاګورو د قبیلې غر دی
ېونس قېاسي.Younus Qiasi.
.ټاکنه : ممتاز خان