Adab au Hunar / شعر، ادب او هنر
ددبي ټوټه او شعر
[20.Apr.2022 - 11:56]ژور سوچ/ ادبي ټوټه
لیک: سید عبیدالله نادر
بهار وو ، او دګلونوموسم ،تر هغه ځایه چې نطر ورتله ،ښکلا وه ،سمه او غر په رنګین ګلونو پوښلي وو ،درویش چې د دیواله اړخ ته ډډه لګولي او دي ورشو ته مخامخ ناست وو، سر یی په ګریوانه کې د ننه کړی وو،لاروی چې پرې د تیریدو په حال کې وو ،ور ږغ یی کړ:درویشه!سر د ګریوانه څخه راپورته کړه چې ګلونه او ګلزار ووینې ،درویش ووییل:سر په ګریوانه کې د ننه کړه چې د ګلونو خالق ووینې.
د فارسی ادبی پارچو څخه ژباړه
...................
مدهوشه دیوانه
چي په ژبه مې،جاري ستا ترانه شوه
په خنـدا راته ،په مخ کې زمانه شوه
تواضع می دساقی، هومره ده ، کړي
چي انداز د هرکلام می ، رندانه شوه
د غمو بارونه هلته، رانه سپک شول
نشیمن چي می،په ګوټ دمیخانه شوه
د هغي لمحې سکون می، نه هیریږي
د ساقي په لاس چي ، ډکه پیمانه شوه
د مستــانوپیالي می ، کړلي ما تي
ځکه نوم می، یومدهوشه دیوانه شوه
درمندونه می ، صـبر او او سیلو وو
خو د یار په درکي ، ټوله نذرانه شوه
په دسـتور د یارانئ باندي، آشنا شول
چي یي زده، زما د مینې، افسانه شوه
ګـیله نشته، دیارانو ، بی مـــهرې نه
چي بدله په دي دور کي ، یارانه شوه
سید عبیدالله نادر
کال ۱۳۵۳کابل