Adab au Hunar / شعر، ادب او هنر
ما د پښتونخوا
[25.Apr.2022 - 14:43]ما د پښتونخوا، پښتونخوا چکر له بوزه
ماته د بابا د نسب خرڅو کېسې مه کوه
ماته قلم او ادب خرڅو کېسې مه کوه
ماته داسلام دمکتب خرڅو کیسې مه کوه
ما د یوسپزو د شیخ ملي دفتر ته بوزه
ما د پښتونخوا، پښتونخوا چکر له بوزه
ما د مغل خېلو امیرانو در له مه بوزه
ما د پښتنو د قاتلانو در له مه بوزه
ما د استعمار د دلالانو در له مه بوزه
نه ځم، نه ځم ،ما د قصابانو در له مه وزه
ما دخپل نصیب په وینو سور دفتر ته بوزه
ما د پښتونخوا، پښتونخوا چکر له بوزه
ما د خپل تارېخ د کاله هغه سر له بوزه
ما د "خان شهید" د میړنو لښکر بوزه
ما دګلستان د سرو سپرلو سحر له بوزه
ما ېو قامپرسته، سرپرسته سر له بوزه
بېا مې قافلو سره د لر نه بر ته بوزه
ما د پښتنو د ازادۍ اشر له بوزه
ما دپښتونخوا، پښتونخوا چکر له بوزه
ما د خپل تاریخ د کتاب هغه سر ته بوځه
ما د پښتونخوا پښتونخوا سنګر له بوځه.
غږ : فیاض خان خیشکي