Adab au Hunar / شعر، ادب او هنر
مغل
[01.Jun.2022 - 08:43]مغل بی قدره- پښتون بې ننګه
توبه له تورې- توبه له جنګه
تسبح په لاس کې په نظامپور کې
ناست په مسجد کې جمدر تر څنګه
تیرا مې وليده راغلم تر سواته
پښتون مې وليد د لوی لوی ذاته
عقل همت مې د چا و نه لید
په بېرته راغلم ناست يم ملا ته
وګړي واړه کارونه خپل کا
مردان هغه دي چې کار د بل کا
څوک چې ارام ګټي د نيکو نام ګټي
د خوږو زړونو دارو متل کا
که تازي ژبه هر ګوره ښه ده
فارسي هم ډيره په خوند خوږه ده
چا يې پلو د جمال وانخيست
پښتو لا هسې بکره پرته ده
سترخوشحال خټک (رح)