(که سپوره وي که پوره وي نو په شریکه به وي (باچاخان)
Adab au Hunar / شعر، ادب او هنر
غزل
د سرو وينو ماښام د مازيګر جنازه يوړه
يو ښكلي شان نظر مي د نظر جنازه يوړه
دا چا كړو لـه نظره لـه يو بل چي په څنګ ګرځو
دا چا د محبت د لروبر جنازه يوړه
فتنه يي د رقيب راته په شاه كړه چي مسكئ شوه
خندا د سپيني خولي، خو يي د شر جنازه يوړه
انكار په سترګو، سترګو كي اقرار هسي په شونډو
جانان مي د ارمان ښه په هنر جنازه يوړه
"صمده" يو ارمان دي كه پوره شو بختور يم
په مرګ كه مي بي نيازه شان دلبر جنازه يوړه
General Abdul Samad Momand
 بېرته شاته |
