د ماشومانو پر وړاندې
[18.Oct.2021 - 12:37]په افغانستان کښې د ماشومانو پر وړاندې تاوتريخوالى
لیک: عبدالغني نور
کتنه: دماشومانوپروړاندی تاوتريخوالې نړیوال مشکل دی مګردا تاوتریخوالی عمومآ په هغوهیوادونو کی زیات لیدل کیږي چیرته چی روانه وسله واله جګړه او فقر موجود وي چې بدبختانه افغانستان هم ددغه دوه فکتورونو په لرلو سره په هغه هیوادونو کی شمیرل شویدی چیرته چې د ماشومانو حقوق تلف کيږي
#د_ماشوم_تعريف !
په ملي او نړیوالو قوانینو کې هر هغه انسان چې عمریی د اتلس کالو څخه کم وي ماشوم ورته ویل کيږي
#د_ماشوم_حقوق_د_اسلام_له_نظره:
دا چې مونږ په یوه داسی هيواد کې اوسیږو چې ۹۹.۹٪وګړي يی مسلمانان دي او اسلام هم د ماشومانود حقوقو ورکړی باندی ټینکار کړیدی لکه د یوې صالحی مور ټاکنه، حمل په دوران کی ماشوم ته پاملرنه، د ماشوم سقط حرام ګڼل، حامله ښځی ته دروژی خوړلو اجازه، د ماشوم په زږیدو خوشحالي کول، ښه نوم ورباندی ایښودل، د شیدو ورکولو موده یی پوره کول، د ماشوم سنتول(ختنه)، ماشوم ته سالمه تربیه ورکول، هغی ته د تعلیم زمینه بربرول، هغی ته نفقه پیدا کول دا هغه مهم حقوق دي چي اسلام ماشوم ته ورکړیدي او نړیوال قوانین هم ماشوم ته ددغه حقوقو په ورکړى باندى ټينګار کړيدى
په لاندی ډول مونږ هغه تاوتریخوالی ذکر کوو کوم چې په افغانستان کی د ماشومانو پر وړاندی عام دی په افغانستان کی دانجونو پر وړاندی په لاندی ډولونو تاوتریخوالی موجود دی
#انجونو_پر_وړاندى_تاوتريخوالى
*په کم عمر کې يې واده کول
*د تعلیم اجازه نه ورکول
*په وړوکوالی کی یې کوژده کول
*په بدو کی یی ورکول
*دانجلی رضایت نه بغیر دهغی کوژده کول
*په کورنی کی هلک ته نسبت انجلی باندی زیات فوقیت ورکول
#دمخنيوي #ليارې #چارى !
#په_کورنۍ_کی_یې_مخنیوی کورنۍ غړي باید دی ته اماده شي چې خپلی لورګانې
مکتب کی شاملی کړي ترڅو آينده کې د يوى باسواده کورنۍ په جوړښت کې مرسته وکړي د انجونو ودونه باید په کوچنیوالي کې ترسره نشي ،د کوژدی په وخت کی یې کورنۍ باید د انجلی خوښې ته احترام ولري کورنۍ باید خپلی لورګانی د خپلو شخصي دشمنیانو او شخړو قرباني نکړي چی دا په افغانستان کی یو بد رواج دی زیاتره کورونو کی دا رواج شتون لري چې کله هلک پیدا شي نو د کورنۍ غړي زیات خوشحالیږي مګر کله چی انجلی پیدا شي نو هغومره خوشحالي نه څرګندوي دابد رواج باید کورونو کی د مینځه لاړ شی چی دا کارهم د شریعیت خلاف دی اوهم د انساني کرامات،کور کې بايد د ماشومانو په مخ کې مور او پلار شخړه او بحث ونکړي ځکه د ماشومانو په روان ناوړه اثر مينځ ته راوړي #ټولنه_کې_يې_مخنيوى
زمونړ په ټولنه کی زیاتره وګړي بی سیواده دي نو دغه خلکو ته قناعت ورکولو لپاره لوستي ځوانان، قومي مشران او ملایان رغنده رول لوبولی شي،ځوانان او مشران باید کور په کور کمپاین وکړي اوملایان هم د ممبرد لیاری د خلکو په پوهاوی کی برخه واخلی ترڅوکورنی دی ته اماده کړی چی خپلی لورګانی مکتب کی شاملی کړی په کوچنیوالی کی یی د واده مخنیوی وشی، په بدو کی د ورکړی دود ،
#دهلکانو_پروړاندی_تاوتريخوالى:
په کم عمر کی ورته واده کول، زدکړی ته لاس رسی نه لرل،بیرون هیواد ته د کورنی لخوا قاچاقي لیږل،ماشوم باندی درانده کارونه کول او د ماشومانو جنسی ځورونه، داهغه ناوړه حالات دي چی په افغانستان کی ورسره ماشومان ډیر مخامخ دي او حقوق یی تلف کيږي
#په_کورنۍ_کې_د_هلکانو_پر_وړاندې_تاوترېخوالي #مخنيوى
کورنۍ باید ماشوم ته د تعلیم زمینه برابره کړي کوچنیوالي کی باید ماشوم درندو کارونو ته سوق نکړي،ماشوم باید تهدید نشی ،فزیکی برخورد ورسره ونه شي، ماشوم ته باید سالمه تربیه زده شي،ماشوم باندی داسی کوم مسولیت ورپه غاړه نشي چی د هغی د پرمختګ مخه ډب کړي لکه مزدوری لپاره بهرنی هیوادونوته لیږل او درندو کارونو ته سوق کول
#په_ټولنه_کی_دهلکانو_پروړاندی_د_تاوتریخوالي_مخنیوی
ټولنه کی باید لوستي ځوانان خپل مسولیت ادا کړي هغه داسی چې په کوراو کلی کې خلګ وهڅئ ،د تعلیم ګټی ورته بیان کړي او دی ته یی اماده کړي چی خپل ماشومان ښونځیو کی شامل_کړي
ټولنه کی د مکتبونو پوښښ ساحه باید پراخه شي یعنی په افغانستان کی یو تعداد خلګ په غرونو کی ژوند کوي باید چی د مکتبونو تعداد زیات شی چی دوی ورته هم لاس رسې ولري زمونږ په ټولنه کی د هلکانو جنسی ځورونه،په محفلونو کی د هلکانو د رقص دود هم وجود لري باید قومی مشران لوستی ځوانان اوملایان یی مخنیوي کی خپل مسولیت ادا کړي ،ټولنه کی باید دولت د بی روزګاری د ختمولو لپاره جدی اقدامات وکړي ترڅو د ټولنی لوی قشر بی روزګاره پاتی نشي او ماشومان تعلیم ته مخه کړي #په_ښونځي_کی_د_ماشومانو(#هلکانو_انجونو) #پر_وړاندی_د_تاوتریخوالی_مخنیوی: ښونځي کی باید ماشومانو سره فزیکي برخورد ونشي،ماشوم باید درس ته نورهم تشویق شي د انجونو په ښونځیو کی باید ښځینه استادانی مقرری شي ترڅو خلګ نورهم دی ته اماده شي چی خپلې انجونې مکتبونو کی شاملی کړي،ښځینه استادانی باید کلي کور کی زنانو ته تبلیغ وکړي تر څو خپل ماشومان مکتب کی شامل کړي
د يو آباد سوکاله او شتمن افغانستان په هيله!