عالم چا ته وایي
[11.Nov.2021 - 11:26]عالم چا ته وایي
په عربۍ ژبه کښې عالم هغه چاته ویل کېږي، چې زده کړې یې کړي وي. د فیزیک ، کېمېا ، بیولوژي، سیاست او نورو علومو ښوونکي/استاد او پروفیسر ته هم عالم ویلې شي.
علما یې د جمع حالت دي او علما پوهانو ته وایي.
د رسول الله ص په وخت کښې خو یا صحابه وو او یا منافقین او د اسلام نه منونکي . د خدائ د رسول ص په دور کښې ملاېان چرته وو؟ مفتیان چرته وو؟ ایا تاسو چرته دا اوریدلی چې پلانکې صحابه مولانا یا مولوی یا مولا ؟.
العلماء وراثت الانبياء علماء د پیغمبرانو وارثین دي (حدیث شریف) .
پښتانه ملاېان وایي، چې دا حدیث ېوازې د ملاېانو په اړه دی. دوۍ یې په پښتنه ټولنه کښې یې د خپلې بدمعاشئ او ځاني ګټو لپاره کاروي. دوۍ وایې مونږ د انبیاؤ وارثین یو خو دوی ته هیچا ونه وئیل چې دغه حدیث ستاسو د پاره نه دی.
باشعوره عام اولس دې خبر وي چې د پردیو پراکسي ملا د نېوکې(تنقید) لاندې راوستلو کښې هیڅ ګناه نشته باید د دوی جنایتونه مونږ په ګوته کړو او په پښتنه ټولنه کښې د دوی بادشاهت ، غضب او ویره ختمه کړو چې رارون نسل مو د امن په ماحول کښې ژوند وکړي .
امیر یوسپزی