(که سپوره وي که پوره وي نو په شریکه به وي (باچاخان)
Adab au Hunar / شعر، ادب او هنر
غزل
په خپل جانان پورې يو بم تړمه
راشه په ځان پورې يو بم تړمه
تل ې خوړلې دَ غريب حقونه
دَ کلې خان پورې يو بم تړمه
ما چه د ځان د سر قاتل جوړوې
په دې شيطان پورې يو بم تړمه
په تا مِ لاس رقيبه چرته رسې
په خپل ارمان پورې يو بم تړمه
دې شینوګې نه پې ډالرې اخلم
په ټول افعان پورې يو بم تړمه
انسانیت نه دې پې ؤځم خیر دی
خو بل انسان پورې يو بم تړمه
دَ دې دُنيا يو څو ټاکو د پاره
په خپل ايمان پورې يو بم تړمه
(دغه زما مُسلمانې ده (ساده
چه مُسلمان پورې يو بم تړمه
 بېرته شاته |
