Adab au Hunar / شعر، ادب او هنر
غزل
ستا په غېږ کي رالوي سوی مريی نه يم
چي ترتا سپېلنی نه سم زلمی نه يم
که بېرغ د آزادی مي له لاس ولوېد
هغه وخت به دا ګڼم چي ژوندی نه يم
هريو خيال مي د نسيم په ميو مست دی
بې غليمه و هيچا ته ازغی نه يم
زرغونې ونې دي ډار دي ډار له ما ځا نه کړي
ځل هم نه يم د خزان که سپرلی نه يم
که پر ځاي د ننګ مي ونه کړله توره
د آسيا د زړه منلی زمری نه يم
که پر خوږو د بل خوږ زه زيارکښ! نه سوم
بيا ډبره يم د غوښي زړګی نه يم
- ږوب
Posted By:
رفیع الله مندوخيل
Mr. Rafiullah Mandokhail
Cell # +92-300-3937628
بېرته شاته