(که سپوره وي که پوره وي نو په شریکه به وي (باچاخان)
Adab au Hunar / شعر، ادب او هنر
اجمل خټک څوک وو ؟
ستوری وو چی پریوت د ادب له آسمانه
ستر اجمل خټک لاړو د دی فانی دنیا نـــه
دی « دغیرت چیغه » وو پښتون ته په دنیاکی
قام ولس خدمـت تـه دی تل تیر وو له خپل ځانـه
دی هم لوی شاعر وو هم لیکوال هم محقق وو
بیرته پاتی نه شو د خپل عصر لـــه کـــاروانه
هــر یــوه نـاره یی د ولــس د زړه آواز وو
توره یی قلم وو ژوند یی تیرکړ په میړانه
هیڅکله تسلیم نشو د عصر اســــــتعمار ته
لار د حقــیقت کی نه ویریده لــه زندانــه
بی له شکه دی ریښتین بچی د پښتنو وو
نوم یی دې تل پاتی که دی لاړه له جهانه
خدایه جنتونه د فردوس یی په نصیب کړې
رحم پری ته وکړې آخرت ېی کړې روښانه
ویانا / ۹ /۲ /۲۰۱۰
 بېرته شاته |
