(که سپوره وي که پوره وي نو په شریکه به وي (باچاخان)
Adab au Hunar / شعر، ادب او هنر
خیبر د پښتونخواه شو، پښتونخواه شوه د خیبر
تا چه د خپل نوم مخالفت وکړو
ګوره دا د څنګه سیاست وکړو
ته خو مشر شوې وی دقوم په ووټ
ولی د د قوم مخالفت وکړو
دغه دې نفرت د پښتنو ځنی
تا د پښتونخواه مخالفت وکړو
نوره توقوع به درنه څه وکړم
تا خو د ایین نه بغاوت وکړو
تا چه همیشه به پر ټکونه کړل
هغه مشرانو م همت وکړو
پروفیسر جهان شیر سوات
دا ځکه دی خوشحاله پښتانه د لر او بر
خیبر د پښتونخواه شو، پښتونخواه شوه د خیبر
زمونږ په اسفندیار او محمود خان د افرین وی
نامه زمونږ نامه شوه او رهبر مو شو رهبر
په قبر د بابا او ولی خان م زیرې وکه
اسفندیار شو د دنیا د پښتنو د زړګی سر
دا نوم دې احمد شاه بابا ورکړې دی وطن له
پښتون په هر هیواد شو د نړئ په دی خبر
د خپلو قام پرستو مشرانو نه قربان شم
شو نوم م د وطن پاس په دنیا لکه نمر
پښتونه مبارک شه اخر نوم درته ملاو شو
غدار دې هغه کس چه ستا په نوم شو مرور
خو نوم مو لا د نیمو پښتنو دې ورته پاتی
شو پیټې دغه نوې مشرانو ته په سر
 بېرته شاته |
