Adab au Hunar / شعر، ادب او هنر
پارلمان ته کاند يد
غواړم کانديد شم پارلمان لپاره
د شخصی ګټو د ار مان لپاره
ورته به لافې د خدمت و وهم
جيب به می ډک کړم د خپل ځان لپاره
په رشوتونو کې کورونه اخلم
د شهر نو او مکرويان لپاره
د اتفاق پر ځای نفاق جوړوم
د دی زخمی افغانستان لپاره
زه په تبعيض کې خپل بقا وينمه
د ګډوډی او چور ميدان لپاره
په ملی ګټو کې ځای کله شته دی
د خد غرض او د شيطان لپاره
زه د مظلومو خلکو اوښکې څه کړم
زما يي څه څيری ګريوان لپاره
دا ابادی ته خو مې ملا ماته ده
وطن به جوړ کړم قبرستان لپاره
هر ا جنبی چې راته دهل غږوی
ورته نڅيږم د قيران لپاره
په لباسی خندا به خلک غولوم
شم به بلبل نطق او بيان لپاره
او به به خړي کړم ماهيان به نيسم
ځان به کړم ټګ د هر انسان لپاره
که له سواد نه بهره مند نه ومه
سکرتر نيسم د پرسان لپاره
په نيکتايي باندی به لاس وچوم
پلو چلو او دسترخوان لپاره
حفيظ ملياره بيابه ځای نلرم
افشا مې نکړي د قران لپاره
ويانا د اتريش ښار 
بېرته شاته