(که سپوره وي که پوره وي نو په شریکه به وي (باچاخان)
Adab au Hunar / شعر، ادب او هنر
تاريخ
انتخاب.....عندليب....دير
که د نمرود د دروغجنې خداۍ وس رسيدے
د ابراهيم نوم به خاکم بدهن خاورو کې وه
که د انسان په حافظه د ظلمتونو راج وے
نو سقاراط به چرې هم د تاريخ پاڼو کې وه؟
په فراست که فريسيانو اجاره لرلے
د مسيح نوم به ي کتاب نه شوکولے نه وے؟
که د انسان په ذهن حکم د يزيد چليدے
د حسين ذکر به ي وينو کې مښلے نه وے؟
چې د تاريخ مادی تعبير دې د ايمان حصه ده
د روحانی اعتباراتو معجزه نه منې؟
چې تر څو شپه وی سپينه ورځ به د چا هيره نه شی
خودفراموشه ، د اضدادو فلسفه نه منې؟
زما په نوم باندې چې هر څومره سياهی ومږې
د شب پرستو په افسون به رڼا توره نه شی
يه په حال مسته ، درخشانه مستقبل زما دے
سپوږمۍ که تندر کې راګيره شی څه نوره نه شی
جون 1967
 بېرته شاته |
