Adab au Hunar / شعر، ادب او هنر
غزل
چې رازونو د سفر ته سړی رسي
د يقين د باغ ثمر ته سړی رسي
يا به خوږ وي يا به خوګ لري په زړه کې
د نظر نه چې ځيګر ته سړی رسي
د خپل سيوري نه به چرته سړی لاړ شي
بې له ياره به کوم درته سړی رسي
چې طلب يې د جنون په رنګ کې رنګ شي
د ارمان د قيصې سر ته سړی رسي
جوړوی شي د خبرې نه خبرې
چې خبرې د بشر ته سړی رسي
چې چپو د سمندر له غاړه ورکړي
عندليبه نو ګوهر ته سړی رسي
Fazal Andaleeb
بېرته شاته