(که سپوره وي که پوره وي نو په شریکه به وي (باچاخان)

Adab au Hunar / شعر، ادب او هنر

خدايه! امن راولې

کور دَ تاريخونو ته ...........لويو لويو خونو ته دې حجرو کټونو ته ......... دغه مجلسونو ته دې درنو خېلونو ته ........ دې درنو کورونو ته دنګو دنګو غرونو ته .......لويو نسبونو ته خدايه امن راولې خدايه امن راولې ښکلو ابشارونو ته ...... دې ډکو سيندونو ته دې خړو خوړونو ته ....... لويو ميدانونو ته ګورو ځنګلونو ته ...... ښکلی منظرونو ته خدايه دې باغونو ته ..... رنګ پۀ رنګ ګلونو ته خدايه امن راولې خدايه امن راولې ګل ګل چمنونو ته.......خدايه دې رنګونو ته خدايه دې بومونو ته..... دې اشارتونو ته دنګو چنارونو ته ......دغه کمرونو ته ډکو بازارونو ته .....دې لويو سړکونو ته خدايه امن راولې خدايه امن راولې دې عمارتونو ته...... تس نس ټبرونو ته زرکو ته بازونو ته ...... زيړو شړشمونو ته دغه دالانونو ته......دې ويړو شپولونو ته دې احترامونو ته...... دلته عزتونو ته خدايه امن راولې خدايه امن راولې دلته ګودرونو ته .......تورو شنو خالونو ته لنډو قدمونو ته ........تورو اوربلونو ته ښکلی رخسارونو ته ........ډکو مړوندونو ته دې مکر نازونو ته ....... دغه ګل مخونو ته خدايه امن راولې خدايه امن راولې ښکلي نظرونو ته ........ زلفو بالختونو ته سوي سوي زړونو ته ...... دې انتظارونو ته ډکو سره لاسونو ته .....مستو مستو جونو ته هم ساقي جامونو ته .....هم مستو پېرونو ته خدايه امن راولې خدايه امن راولې لوبو ته، سازونو ته ...... دغه اتڼونو ته جګو دستارونو ته..... هم دَ پټکو ولونو ته دغه اخترونو ته ......هم جوټو ټالونو ته بيا دَ چا يادونو ته .....دې خوږو خوبونو ته خدايه امن راولې خدايه امن راولې ډک دَ ننګ سرونو ته .......... دې نرو مېړونو ته خدايه ! کاروانونو ته ......... دغه لشکرونو ته دې پټو فصلونو ته ............ خدايه! دې نهرونو ته ډکو درمنونو ته .................دغه اشرونو ته خدايه امن راولې خدايه امن راولې دلته کتابونو ته ....... دغه قلمونو ته فکر ته سوچونو ته ......عقل تدبېرونو ته زړونو ته، علمونو ته ..... لويو دماغونو ته دغه اوازونو ته .......... دغه سبقونو ته خدايه ! امن راولې خدايه ! امن راولې لويو جماتونو ته ........ دلته مکتبونو ته هم دې مندرونو ته ...... دې درمسالونو ته دلته کالجونو ته ..... هم پوهنتونونو ته دې تلاوتونو ته ...... دې عبادتونو ته خدايه ! امن راولې خدايه ! امن راولې دې تودو رګونو ته ..... سرې وينې جوشونو ته دلته لښکرونو ته ....... هلته سنګرونو ته لر او بر وروڼو ته ....... هم نمسو نيکونو ته ټولو اولسونو ته ...... هم زما شعرونو ته خدايه ! امن راولې خدايه ! امن راولې

هارون الرشيد خټک، خېراباد، نوښار
بېرته شاته