(که سپوره وي که پوره وي نو په شریکه به وي (باچاخان)
Adab au Hunar / شعر، ادب او هنر
زما د طبيعت خلاف
تا په رڼا پسې تورتم ته ريباري وكړله
حالاتو مونږ سره دې څرنګه ياري وكړله
څه د رڼا ستوري لرل مونږ د ګوتو په شمار
د هغه ستورو په لوېدلو دې خواري وكړله
د تورې شرنګ مې راپرېوځي تر بنګړو رسېږي
تا د شملو، تا مې د تورو دلالي وكړله
زمونږ تندي دي راپولۍ كړه د جنت په تمه
اخر دې سور دوزخ ته مونږ باندې زارۍ وكړله
ما درنه يو غوښته تا بل نقش راونيو حاله
زما د طبيعت خلاف دي خپله كولالي وكړله
لا دې په يوه لاس كې تسپې بل كې پيالې وركړلې
پخپل تخليق دې څه بېخونده ګلكاري وكړله
زاهد هم ونيوه نغمه د سُر له تاله سره
په هر دريځ دې جادوګره فنكاري وكړله
د كوټوال عقل به پخپله له خپل كوره وځي
د كوپړۍ كور باندې يې ستا فكر مستي وكړله
 بېرته شاته |
