Adab au Hunar / شعر، ادب او هنر
دسولی افتخار
دولسمشرۍ دنوماندانو مناقشی اومناظری ته می غوږنیولی وو خوڅو واره می په خوله کی داغزل زمزمه کړو.
ماوې کاشکې
چاوې خط دې په پښتو وای
کتابت دې په پښتو وای
داپردۍ ژبې دې هم وای
خوصحبت دې په پښتو وای
مورئې غلي ورته وې چې
عبادت دې په پښتو وای
دابه څومره ښه وای،خدايه
چې جنت دې په پښتو وای
پلارورچيغې کړې چې ځويه
شريعت دې په پښتو وای
داپښتودې شريعت وای
قضاوت دې په پښتو وای
ماوې کاشکې ائ پښتونه
لږغيرت دې په پښتو وای
که دې سل ژبې هم زده وای
خو عادت دې په پښتو وای
الحاج الهام الدين قيام
۲۱/۰۲/۲۰۱۳
دمورنۍ ژبې نړيواله ورځ
راشئ نفرت وغندو، د مینی ګد اظھاروکړو
بس کړو وروروژنه،دجګړی نه نورانکاروکړو
راشئ د نفرت جرړی له بیخ او بنیاد وباسو
ټول لکه سکه وروڼه په یو بل اعتبار وکړو
یو ځای لکه وروڼه د جرګی په ټغر بیا کیښنو
نوردځانځانۍ په ځای په ټینګ وحدت ټینګاروکړو
ھرڅوک د خپل ځان په تیروتنو نظر واچوو
راشئ چی په تیرو تیروتنو اوس اقرار وکړو
وران وطن په سوله آبادیږي ، په جګړه نه شي
راشئ چی په سوله کی ټول ګډ،کاراوپیکاروکړو
لمر مرور شوی ، تورتم دلته اړولي دي
راشئ دی تورتم ته،سرشته دکوم سھاروکړو
ښکاري مروردی چی د سولی بھار نه راځي
راشئ چی په ګډه ننواتی د بھار وکړو
ژوند رانه ھیرشوی، دمرګوپه لورمو مخه ده
راشئ چی له مرګه بیا دژوند په لور ګُذاروکړو
راشئ د جګړی په ضد د سولی قیام پییل کړو
نور به د جګړی په ځای په سوله افتخار وکړو
والدورف/جرمنی الحاج الھام الدین قیام ۰۲/۰۲/۲۰۱۴