Adab au Hunar / شعر، ادب او هنر
رژیدلي سره ګلونه
د زړ ګي واړه زخمونه مې شمیرلي
خپل غمجن غمجن یادونه مې شمیرلي
ته ویده وی تر سهاره درته ناس توم
ستا د مخ واړه خالونه مې شمیرلي
د امید ګلبڼ مې ټول له اغزو ډک دی
رژیدلي سره ګلونه مې شمیرلي
زما اوښکې ملغلرې پر مخ تللي
د ګریوان څیری تارونه مې شمیرلي
د ارمان کلي ته ځم ستړی ستومان یم ...
ځوانیمرګه قدمونه مې شمیرلي
له حفیظ ملیار نه خوب له سترګو تللی
انتظار کې سحرونه مې شمیرلي
06.07.2014