Adab au Hunar / شعر، ادب او هنر
دخان شهید41م تلین په ویاړ
رمضان ارماني سهیلي پښتونخواکویټه01.12.2014
پرتاخفه دی هرانسان شهیده
ولاړې له موږه په ارمان شهیده
خداي دي ورښانه نوی کورکه مدام
لاس په دعادی هرافغان شهیده
تاکړی راټول دالراوبرپښتانه
ځکه خوته یې پرموږګران شهیده
تاداپښتون په پښتونخواکړوخبر
مخکښي پښتون ووبې نشان شهیده
اوس به آزادپښتونستان شي خلګو
داستاپه لاردي ډیرروان شهیده
ته وې بندي دانګریزانوبندکښي
دسباون په ښه ارمان شهیده
دغه ستانوم خوخان شهیدیادېـږي
هېربه دي نه کړوصمدخان شهیده
داستاپه مرګ زه ارماني خفه یم
لیکم چي ستادمرګ بیان شهیده
خان شهیدته پېرزوینه
داستعماروولوي دښمن په لوي ارمان شهیدشو
خلګوشهیدشوداغښتلی صمدخان شهیدشو
په ده راټول ووپښتانه چي پروطن میَن وو
ووننګیالی ددې زمان یوسترافغان شهیدشو
انګریزویل چي داشهیدکړی ننګیالی پښتون دی
که داشهیدشونوبس داپښتونستان شهیدشو
که داانګریزکه داتورمخي ګاونډیان ووخلګو
دوي وخوشحال چي دپښتون یوقهرمان شهیدشو
هغه پښتون نه دی چي نه کوي پرقام جنګونه
هغه به تل خاندي چي ولاړی ښه انسان شهیدشو
شهیدان نه مري تل مدام زموږپه زړوکښي اوسي
ارماني ژاړي چي مخکښ مودکاروان شهیدشو
*****
تایادومه ستررهبرسترقهرمان شهیده
په تانازېـږي پښتانه خان صمدخان شهیده
ته وې رهبردپښتنوتاخپلواکي غوښتله
دغلیم سترګوکښي ازغی وې په ایمان شهیده
تاهلي ځلي تل دقام دخپلواکۍ کولې
ته خوپه مینه دخپل قام شولې قربان شهیده
کاروان تیاردی ستاپه لاره دي روان پښتانه
غواړي وطن دپښتنوپښتونستان شهیده
داستعماروې لوي دښمن داسي ښکاره وې څرګند
هروخت بندي به وې په بندکښي په ارمان شهیده
چي ته شهیدشوې سوخفه دالراوبرافغانان
هرچاژړلې چي شهیدشو سترافغان شهیده
کلونه تېرکړل تاپه بندکښي تل زموږدپاره
زه ارماني دي یادوم ډیرپه خفګان شهیده
رمضان ارماني سهیلي پښتونخواکویټه