Adab au Hunar / شعر، ادب او هنر
! افغانه
ھرګاوندي درته بمونه په زولۍ کې راوړي
ښکاري ګلونه خواورونه په زولۍ کې راوړي
دوۍ د وفاق په نوم مدام درته نفاق خوښوي
بولي یی مینه ، نفرتونه په زولۍ کې راوړي
تاپخپل کورکې د خپل ورورسره په جنګ اچوي
نوم وربدل کړي خوجنګونه په زولۍ کې راوړي
دوی ھمیشه ستا د غرور په ماتولو بوخت دي
تل درته کورته پیغورونه په زولۍ کې راوړي
ستاد جنت په څېروطن ېې جهنم جوړکړی
دوۍ د خوښۍ په نوم غمونه په زولۍ کې راوړي
ھرګاونډی دی د بچیانو سترقاتل جوړشوی
درته د ژوند په نوم مرګونه په زولۍ کې راوړي
ستاھر(قیام)د ژوند په نوم د مرګ په لاره بیايي
بیا ستا د خپل ولس سرونه په زولۍ کې راوړي
الحاج الهام الدین قیام