د ارواښاد محمد افضل خان [خان لالا ] د لومړي تلین په یاد 

خان لالا ته دعقیدت پيرزوینه 

د سوات پښتنه سیمه کې لوی خان وو خان لالا

په ټولو پښتنو د زړه نه ګران وو خان لالا

ریښتیا چې مبارز وو د قامي وحدت لارښود وو

یو والې د پښتون یې لوی ارمان وو خان لالا

د لر او بر د ټولو پښتنو د زړه اواز وو

ښکاره لکه د لمر داسي روښان وو خان لالا

په هر څه بهادر وو او د خپل ولس خبر وو

ګټلی یې د امن ستر نښان وو خان لالا

ټو ټي ټوټي پښتون یې رابللو اتحاد ته

په دي لار کې د مال او سر قربان وو خان لالا

نقشه کې د نړي یې پښتونخوا نامه غوښتله

په هر ځای کې ښکاره کړی اعلان وو خان لالا

په ژوند یې  پښتانه د محبت په تار تړل خو

افسو س چې پښتانه خپلو کې وران وو خان لالا

بیدار کومه وياړ چې ښه ملګری مي د پلار وي

چې ستوری دي ملګری د کاروان وو خان لا لا

بصیر بیدار ستوری