Adab au Hunar / شعر، ادب او هنر
آې ذکيه لېونيه!
[05.Mar.2018 - 21:27]آې ذکيه لېونيه!
لږ نظر کړه آې ذکيه لېونيه
ژوند سفر ده آې ذکيه لېونيه
*****
مسافر دي ټول ستنيږي له دنيا نه
ځان چمتو کړه آې ذکيه لېونيه
*****
په خندا وي که ژړا ژوندون تېريږي
تـل ژړا کړه آې ذکيه لېونيه
*****
ټول د مرګ په انتظار قبر ته درومي
نن ستا وار ده آې ذکيه لېونيه
*****
نيت صفا کړه که منزل اسانه مومې
زړه ښيښه کړه آې ذکيه لېونيه
*****
ربه موږ پر مستقيمه لاره سيخ کړې
دا دعا کـړه آې ذکيه لېـونيه
شاعر: عزت الله (ذکي)
۲۰۱۸/مارچ/۳مه
کندهار