Adab au Hunar / شعر، ادب او هنر
زما دخاورې واک
[24.Jan.2019 - 21:32]
د "خان"، "ملک "نه د "قاضي "نه د "مُلا "سره دے
اصل اختیار زما د خاورې د "بل چا "سره دے
د دار په سر چې د خپل "واک "ټپه کولې نه شم
خوله مې ده ګونګه کافر کیږم څه ویلې نه شم
چې عمر ټول مې د سلګو او د ژړا سره دې
اصل اختیار زما د خاورې د بل چا سره دے
چې یم پښتون نو په "ظالم "او په "وحشي" یادیږم
چې غواړم "حق "نو په "غدار "او په "باغي "یادیږم
چې "بدنام "کړے زما نوم یې په "سلا "سره دے
اصل اختیار زما د خاورې د بل چا سره دے
هر وخت چې دا "سړے”شکلونه بدلوي "لایقه"
ماچې په "ما"باندې هر ځای کې قتلوي "لایقه"
"شر"یې زما د "خپلواکۍ" او د "بقا "سره دے
اصل اختیار زما د خاورې د بل چا سره دے