Adab au Hunar / شعر، ادب او هنر
میړانه
[02.Jul.2019 - 18:50]
چې په خوا په خاطر نهٔ هسې عیان شي
ځینې څه چارې پیدا په دا جهان شي
.
په لاچۍ په څو تره وګرځېدلم
اوس مې ګښت د اپریدیو په میدان شي
.
لکه باز په یوه غره ګرځي، بل ګوري
بیا زما نظر د سوات په کوهستان شي
.
د مغل منصب مې پرېښو، هسې خوښ یم
لکه خلاص د لویه بنده بندیوان شي
.
دا نادره عقیده لکه زما ده
لا عجب، که بل پیدا هسې افغان شي
.
که مې چېرې ننیګالي په لاسو کېوځي
پرې به لیرې دا زما د زړه ارمان شي
.
وَ مغول وَ ته به هسې کار ښکاره کړم
چې راضي راڅخه روح د فرید خان شي
.
په اَعُوذُ به یې فتح کړم، که خدای کا
په دا کار کې که څوک ما وَته شیطان شي
.
په هر کار چې همت وتړي، له دِله
که اغزي وي، هغه کار وَته ریحان شي
.
که فرښته وي، بې بدۍ به پاتې نه وي
چې قرین ورسره هر کله بدان شي
.
چې یې خپله پوه نه وي، ښه هغه دی
چې د بل سړي په پند پسې روان شي
.
هېڅ بهبود خبره وانهٔ وړې له چا نه
بېهوده خبرې ډېرې تر دا میان شي
.
زه به نن غرض وَ ګانده ته پرې نږدم
که د ګانده د ژوندون سړی ضمان شي
.
چې په خندا په خوب ووینې وژاړې
د نادانو یاري سود ګڼې دا زیان شي
.
په یوه بڅري وسوځي درست کلی
په یوه خبره لاړ واړه ایمان شي
.
ساقي نن زما په دور جام ګردان کړه
ګوره ګانده به د چا د وَر ګردان شي
.
اورنګزیب بادشاه زړه ډک په لاهور راغی
ګوره ګانده به څوک وران، څوک به ودان شي
.
لکه کښت لره باران او باد پکار دی
د عالم ټولې په خلک په احسان شي
.
درومه، هېڅ د میاشت، د کال خبرې مه کړه
هر ورځ پېرې څو شانه د اسمان شي
.
ډېر وَتا وَته نن لافې د یارۍ کا
ګانده ستا وَ سر ته کېني غلیمان شي
.
په جهان د ننګیالي دي دا دوه کاره
یا به وخوري ککرۍ یا به کامران شي
.
د بازونو د کارګانو مصاف وینم
تر دا منځ به یې د وینو رود روان شي
.
عاقبت به خدای ظفر کا د بازانو
تار په تار به آواره، واړه کارګان شي
.
چې وَ کار ته یې حیران دي دا
بېرته شاته