Adab au Hunar / شعر، ادب او هنر
نورمحمد تره کي ته
[30.Oct.2019 - 16:14]
نـن سـحـر چې لـمر ختلو زموږ غرو کښې
ورسـره و یـو سـور ستـوری پلـوشو کښې
د شـعـور رڼـا یـې وکـړه پـه هــیــواد کښې
نـوی ژونـد یـې راپــیـدا کـړو ولـسـو کښې
د خــــوارانــو د کــوډلـــو حــــرکـــت شــو
زلــزلــې یــې راپــیــدا کـړې مـحــلـو کښې
پـه درو او ورشــوګـانـو کـې راخــور شــو
د غـیـرت ویـنـه یـې ګـرمـه کړه رګـو کښې
د ځـوانـانــو د شـعــور ډيـوې شــوې بـلـې
د ژوندون احساس پیدا شولو په زړو کښې
پـه دې زوړ هـیـواد کښې نـوې رڼـا راغله
د نهضت سحر ښکاره شو تورو شپو کښې
د ذهـنـونـو تـورتـمـونـه شـول روښــــانــه
سپينه ورځ شوه د وهمـونو جـزیـرو کښې
د افـکـارو ســپـرلـي وشــیـنــدل ګـلـونـــــه
نـوې هیلې رامسکۍ شوې په غـنچو کښې
د مـحـنـت د سبـاوون سـتـوری راجګ شو
غـلـبـلـې شـوې د سـتـم تـورو تـیارو کښې
د ماضي تـور ځنځیرونه یې وراسـتـه کړل
د یـو نـوي مـسـتــقــبـل پـــه ولـولـو کښې
د ایشیا د زړه زخمونه سـرې لـمبې شوې
د مـشـرق د سـور سـحـر په مـنـارو کښې
سور بیرغ شو د شینکي اسمان لمن کښې
سپین سحر شو د هیواد په غاړو غرو کښې
ولــســونـه رابــیـدار شــول راولاړ شــــول
ددې ســتــوري پــه روښـانـه پلوشو کښې
خــواریکـښ د نـوي دور سـور لښکر شو
تـنـدر پـریـوت د رجـعـت پـه کوټګو کښې
د هــیــواد نـه چیغه پورته د اولس شوه
زلـزلـه شـوه د زردارو پــه بنګلو کښې
په رڼا ورځ ترینه سور انقلاب جوړ شو
راولاړ شــو د ځــوانـــانـــو ارادو کښې
د پــيــړیــو د ســتـم خونې شوې ړنګې
د خـلـقـیـانـو د شعـور مستو څپو کښې
په هیواد کښې جنډه جګه د محنت شوه
ستم ښخ شو د ماضي تورو ایـرو کښې
ولـسـونو کښې خوږه ورورولي راغله
وینه، مینه ده په سترګو په سینو کښې
اسـتـثـمـار د ظـالـمـانـو سره ورک شو
اوس به يې مینه راټوکيږي په پټو کښې
لاړو وخت د مفت خورو خانانو تېر شو
مـسـتـقـبـل دی د بـزګـرو په خولو کښې
ددې ســتــوري د رڼــــا لــه بــــرکـتــه
اخترونه دي په غرونو په رغو کښې
د امـــو د زرزري چــپــو عـکـسونه
نـن ځـلـيـږي د اټک رڼـو اوبو کښې
د هیواد د غرونو سور ستوري ته کېږي
اتـڼـونـه پـه بـلـوڅـو پـښــتــنـو کښې
فـــرق د ژبــې د نــــژاد دمنځه لاړو
ولولې دي خواریکښو شازلمو کښې
د سالنګ د سپينو واورو ځل ته خاندي
بحرهند کښې ملغلرې په سیپو کښې
نوی وخت دی نوی دور هر څه نوي
زیری زیری دی په دغه ورځو شپو کښې
د انـسـان د ارتـقـأ مشـال بـه بـل وي
سره بڅري شته زموږ په نغرو کښې
چې یې سترګې کړې
بېرته شاته