Adab au Hunar / شعر، ادب او هنر
په شګو کې ژوندون
[10.Feb.2020 - 12:12]که په شګو کې ژوندون وي
ربه بومې ځه صحرا له
.
که سودا کې ناز او شړنګ وي
ما مرۍ ورکړه سودا له
.
که په سا کې مستي نه وي
ربه مرګ راوله سا له
.
که هلال پیغام د نور
د خندا، د رڼا نه وي
.
ما ته غوره توره شپه ده
ډېره غوره، د هلاله
.
که د ژوند مطلب بل نشته
بس ژړل دي، سوځېدل دي
.
دا خپل جوش په بېرته واخله
دا خپل هوش په بېرته واخله
.
زه پتنګ ستا په رڼا یم
مین ستا په تورو نه یم
.
که کافر، که مسلمان یم
یمه ستا، د نورو نه یم
.
زما واړه کمزوري دي، جوړې ستا، ستا د کماله
تیاره ځکه شوله توره، چې شوه ورکه د هلاله
.
چې تا ورک کړمه، حیوان شوم
چې تا ووینم انسان شوم
.
ته دریاب د شنو چینو یې
زه پټی د لوږو تندو
.
چې تا ورک کړم، بیابان شوم
چې تا ښکل کړمه، بُوستان شوم
.
دا ګناه زما د څه ده، چې زه چیغې شوم، جانان شوم
دا خو ستا د ښایست قصور دی، چې زه غم شوم، بیابان شوم
.
یا خو واک د بادشاه راکړه
او یا صبر د فقیر را
.
د ژوندون دې رنګین خوب له
یو ښایسته شانې تصویر را
.
چې ستا حسن پرې بندي کړم
داسې لاس، داسې زنځیر را
.
که دا اوښکې ستا شراب وي
که دا چیغې ستا رباب وي
.
که زما ژړا د عمر
یو لمحه ستا د شباب وي
.
که زما همه مستي دا
یو حباب ستا د سرور وي
.
زه خوشاله یم په هر څه، چې کوې زما په ځان ته
عجیبه زما جانان یې، عجیبه زما ارمان ته
.
هله زه د ځان مالک شم
چې خپل ځان درکړمه تا له
.
هله مست خوبونه راشي
چې ګوټ وکړم ستا د خیاله
.
اې د کل جهان مالکه
جواب را ستا د جماله
.
ولې جوړ صحرا کې باغ کړې
قصاب جوړ کړې د کلاله
.
ولې، ولې، ربه ولې؟
د دې ولې جواب څه دی؟
.
څنګه، څنګه اې جانانه
ازغی څه دی، مضراب څه دی؟
.
اې د لوږې تندې ربه
ډک جام څه دی، کباب څه 
بېرته شاته