Adab au Hunar / شعر، ادب او هنر
منظور نوم
[22.Jul.2020 - 15:02]منظور نوم د یو تحریک دی
منظور نوم د یو مرام دی
منظور ننګ د پښتون قام دی
منظور نوم د محبت دی
منظور نوم د حرکت دی
منظور نوم دیو پیغام دی
منظور نوم د احترام دی
منظور نوم داخوت دی
منظور نوم د ورورولۍ دی
منظور نوم دخپلواکۍ دی
منظور نوم د یو توپان دی
منظور نوم دجاودان دی
واورئ اې پښتنو واورئ
منظور ستاسو په کاروان کې
د پښتون قام امانت دی
ده په هره یوه ساه کښې
د وطن ټپه ده کړې
ده دخپل ولس لپاره
زحمتونه دې ګاللې
نو واورئ اې پښتنو واوري
دا د هر یو پښتون ویاړ دی
دا یو داسې شخصیت دی
چې بس نوم د سړیتوب دی
ای زما د قام وګړو
ای زما د پاکې خاورې
لامحدودو خایستونو
نن احساس راته دا کیږي
چې دا ستاسې په سینو کښې
څومره ډیر زیات محبت دی
بس یو سوال درته کوومه
چې قامي وحدت لپاره
د وحدت لارې کړئ خپلې
دا بې ځایه تربګنیانې
نفرتونه دښمنیانې
واړه هیرې کړئ ملګرو
چې زمونږ په دې هیواد کې
دسکون سپرلي خواره شي
...................
ېادونه :دا شعر ښاغلي لاېق زاده لاېق زما پلار ارواښاد کبیر ستوری ته لیکلی وو، زه یې یو څو بندونه منظور پشتین ته ډالۍ کوم. له لاېق صیب مننه